Foto: https://liter.kz

Qazaqstanda ötken täulikte tağı 442 adam koronavirus jwqtırıp, 5 adam qaytıs bolğan. Virus jwqtırğandardıñ 245-i ŞQO-da tirkeldi.

Resmi derek boyınşa, 41 adamnıñ koronavirus pnevmoniyasına şaldıqqanı anıqtaldı. Bir künde 32 adam jazılğan. Täulik işinde aurudıñ osı türi boyınşa adam ölimi tirkelmegen.

Densaulıq saqtau ministrliginiñ mälimetinşe, qazir koronavirus pnevmoniyasınan 4 489 adam emdelip jatır. Onıñ 2 420-si stacionarda, 2069-ı ambulatorlıq jağdayda em qabıldap jatır. 150 nauqastıñ ahualı naşar, 15 adamnıñ jağdayı – öte auır, 22 adam ökpeni jasandı jeldetu apparatına qosılğan.

DDSW tuıstas derttiñ qaupi birdey ekenine basa nazar audarsa da Qazaqstannıñ Densaulıq saqtau ministrligi koronavirus pen onıñ pnevmoniyalıq türine eki türli közqaraspen qaraydı. Onıñ anıq däleli – KVI+ turalı aqparattıq indikatorlar (aymaqtarğa taraluı, nauqastardıñ ahualı, onıñ işindegi stacionar men ambulatorlıq baqılaudağılar sanı, balalar sanı, ÖJJA-men tınıstap jatqandar, ayıqqandar, jaña keyster, qaytqandar) kündelikti jariyalansa, al KVI- deregi soñğı üş körsetkişten özge mälimet berilmeydi. Al koronavirus pnevmoniyasınıñ aymaqtarğa taraluı jönindegi deregi ministr o basta aytqanday kündelikti ne aptasına emes, endi on künde bir-aq beriletin boldı. Onıñ özinde qwjat formatında saytqa jüktep otıradı, vedomstvo saytında aşıq äri tüsinikti tilde taldap jariyalamaydı.

Qoğamda biılğı 256 mıñ pnevmoniya jağdayın esepke qospay, jalpı statistikanı şildedegi qırğınnan keyin jürgize bastağan Ükimettiñ esebine kümänmen qaraytındar köbeygen.

"The Qazaq Times"