Resey prezidenti Vladimir Putinnıñ aytuınşa Taulı Qarabaqtağı şayqasta jalpı sanı 5 mıñ adam qaza tapqan. Bwl Äzirbayjan men Armeniya taratqan mälimetten älde qayda köp.

«Eki tarapta teñdey adam şığını boluda. Eki tarapta teñdey 2 mıñnan astam adam joğalttı. Qarabaqta jalpı sanı 5 mıñğa juıq adam qaza taptı», – degen RF prezidenti. Ol sonday-aq, qos tarappen künine birneşe ret baylanıs jasap twrğanın, bwnday jağdayda birtaraptı qoldau körsetu ülken qatelik bolatının aytqan.

Armeniyanıñ Resey de, Qazaqstanda müşe bolıp otırğan Wjımdıq Qauipsizdik Şart wyımında ekeni belgili, bwğan qosa armyan jerinde Reseydiñ äskeri bazası da ornalasqan. Alayda, köptegen sarapşılardıñ pikirinşe Resey üşin Armeniyanı birtaraptı qoldau tiimsiz. Bwl onsızda äzer twrğan WQŞW-nıñ ıdırauına alıp keledi. Sondıqtan da, Kreml' Türkiyanıñ Äzirbayjandı qoldauına narazı.

“The Qazaq Times”