رەسەي پرەزيدەنتى ۆلاديمير پۋتيننىڭ ايتۋىنشا تاۋلى قاراباقتاعى شايقاستا جالپى سانى 5 مىڭ ادام قازا تاپقان. بۇل ءازىربايجان مەن ارمەنيا تاراتقان مالىمەتتەن الدە قايدا كوپ.

«ەكى تاراپتا تەڭدەي ادام شىعىنى بولۋدا. ەكى تاراپتا تەڭدەي 2 مىڭنان استام ادام جوعالتتى. قاراباقتا جالپى سانى 5 مىڭعا جۋىق ادام قازا تاپتى»، – دەگەن رف پرەزيدەنتى. ول سونداي-اق، قوس تاراپپەن كۇنىنە بىرنەشە رەت بايلانىس جاساپ تۇرعانىن، بۇنداي جاعدايدا ءبىرتاراپتى قولداۋ كورسەتۋ ۇلكەن قاتەلىك بولاتىنىن ايتقان.

ارمەنيانىڭ رەسەي دە، قازاقستاندا مۇشە بولىپ وتىرعان ۇجىمدىق قاۋىپسىزدىك شارت ۇيىمىندا ەكەنى بەلگىلى، بۇعان قوسا ارميان جەرىندە رەسەيدىڭ اسكەري بازاسى دا ورنالاسقان. الايدا، كوپتەگەن ساراپشىلاردىڭ پىكىرىنشە رەسەي ءۇشىن ارمەنيانى ءبىرتاراپتى قولداۋ ءتيىمسىز. بۇل ونسىزدا ازەر تۇرعان ۇقشۇ-نىڭ ىدىراۋىنا الىپ كەلەدى. سوندىقتان دا، كرەمل تۇركيانىڭ ءازىربايجاندى قولداۋىنا نارازى.

“The Qazaq Times”