Niderlandıda koronavirustan ekinşi ret auırğan 89 jastağı äyel qaytıs bolğanı turalı resmi aqparat köptegen elderde qızu talqılanıp jatır.

Niderlandı ğalımdarınıñ dereginşe, nauqas bwrın koronavirusqa şaldığıp, ayıqqan. Alayda eki aydan soñ COVID-19 infekciyasınan qayta auırğan. Sırqattıñ jağdayı birneşe kün ötpey naşarlap, eki aptadan keyin auruhanada qaytıs bolğan. Ol bwğan deyin qan jasuşalarınıñ auruı jäne immun tapşılığınıñ jetispeuşiliginen qinalğan.

BNO şeteldik aqparat qwralınıñ Oxford universiteti basılımına siltep jariyalağan deregine säykes, qart sırqat eki ayda koronavirustan eki ret auırğan.

Bwğan deyin Niderlandıda egde jastağı nauqastıñ immundıq jüyesi älsireui sebepti qayta auırğanı, sonday-aq, 33 jastağı Gonkong azamatı Europadan oralğan boyda qayta auırğanı aytılğan. DDSW mwnı antideneniñ uaqıt öte älsireuimen tüsindiredi, biraq bwl jii kezdespeui mümkin. Dese de jaña indettiñ tabiğatı jete zerttelip bolmağandıqtan, naqtı klinikalıq merzimin ayta qoyu qiın.

Küzgi tolqın qarsañında DDSW nauqastar men qaytqandar sanı rekordtıq körsetkişke jetkenin mälimdedi. Ötken aptada 2,2 mln-nan astam adamnan virus anıqtalsa, 39 mıñday nauqas ömirden ötken. Djons Hopkins Universitetiniñ deregine qarağanda, bügingi tañda virus jwqqandar qatarı  37,8 mln-nan, qaytıs bolğandar sanı 1,08 mln-nan asqan.

"The Qazaq Times"