Иесіз қалған бетперде. Иллюстрация: Eniola Odetunde / Axios

Нидерландыда коронавирустан екінші рет ауырған 89 жастағы әйел қайтыс болғаны туралы ресми ақпарат көптеген елдерде қызу талқыланып жатыр.

Нидерланды ғалымдарының дерегінше, науқас бұрын коронавирусқа шалдығып, айыққан. Алайда екі айдан соң COVID-19 инфекциясынан қайта ауырған. Сырқаттың жағдайы бірнеше күн өтпей нашарлап, екі аптадан кейін ауруханада қайтыс болған. Ол бұған дейін қан жасушаларының ауруы және иммун тапшылығының жетіспеушілігінен қиналған.

BNO шетелдік ақпарат құралының Oxford университеті басылымына сілтеп жариялаған дерегіне сәйкес, қарт сырқат екі айда коронавирустан екі рет ауырған.

Бұған дейін Нидерландыда егде жастағы науқастың иммундық жүйесі әлсіреуі себепті қайта ауырғаны, сондай-ақ, 33 жастағы Гонконг азаматы Еуропадан оралған бойда қайта ауырғаны айтылған. ДДСҰ мұны антидененің уақыт өте әлсіреуімен түсіндіреді, бірақ бұл жиі кездеспеуі мүмкін. Десе де жаңа індеттің табиғаты жете зерттеліп болмағандықтан, нақты клиникалық мерзімін айта қою қиын.

Күзгі толқын қарсаңында ДДСҰ науқастар мен қайтқандар саны рекордтық көрсеткішке жеткенін мәлімдеді. Өткен аптада 2,2 млн-нан астам адамнан вирус анықталса, 39 мыңдай науқас өмірден өткен. Джонс Хопкинс Университетінің дерегіне қарағанда, бүгінгі таңда вирус жұққандар қатары  37,8 млн-нан, қайтыс болғандар саны 1,08 млн-нан асқан.

"The Qazaq Times"