Belarus' prezidenti Aleksandr Lukaşenko. Foto: static.news

6 qazanda Bryussel'de ötetin Euroodaq-Ukraina sammitinde Belarus'tegi ahual negizgi taqırıp boladı. Bwl turalı EO-nıñ joğarı lauazımdı ökili mälimdedi.

Belarus'tegi jağdaydı Europalıq odaq ökilderi Ukraina prezidenti Vladimir Zelenskiymen talqılamaq. EO ökili aldağı sammittiñ kün tärtibine Taulı Qarabaqtağı janjal men «Şığıs seriktestigi» bağdarlamasına qatıstı pikirtalastar bolatının da atap ötti.

Belarus' elinde 9 tamızdağı saylaudan keyin elde bilikke degen narazılıq örşip ketti. Eldegi OSK Lukaşenoknı 80 payızğa juıq dauıspen jeñdi dep jariya etkennen keyin, oppoziciya men eldegi halıq bilikke degen ızalı köñil-küyin aşıqqa şığardı. Küşpen janıştauğa qaramastan el ortalığında soñğı täulikte birneşe jüz mıñdağan adam ereuilge şıqqan.

Saylaudan keyin elde jappay narazılıq orın alıp, Euroodaq pen Amerika şirek ğasır bilik etken Lukaşenkonıñ jeñisin moyındaudan bas tarttı. Sonımen qatar EO qwramındağı 27 memleket Belarus'ke sankciya engizu mäselesin qarastırdı. Lukaşenkonı «ayqın jeñisimen» qwttıqtağan elder qatarında Qıtay, Resey, Qazaqstan, Özbekstan, Täjikstan bar.

Belarus'te saylauğa deyin merziminen bwrın dauıs beru ötti. Mwnday norma el zañımen qarastırılğan, biraq qwqıq qorğauşılar men halıqaralıq baqılauşılar bwl ädisti qatañ sınğa aldı. Olardıñ pikirinşe, ükimet dauıs beru nätijelerin qoldan jasau täsilin paydalanğan.

Litva bolsa Belarus'tağı oqiğalarda Reseydiñ äskeri aralasuı da bar boluı mümkin degen pikirdi jariya etken edi. Kancler Merkel' men prezident Nausede arasındağı söylesude Belarus' mäselesi köbirek tilge tiek etilgen. Berlin tarabı öñirdegi beybitşilik pen twraqtılıq jäne ortaq qwndılıqtardıñ qorğaluı twrğısında Belarus' jağdayına basa nazar audarıp otırğanın jetkizdi.

5 qırküyekte «Arriya formulası» boyınşa düniejüzilik wyımnıñ Qauipsizdik Keñesiniñ beyresmi otırısında Belarus' ahualı talqılanıp, Svetlana Tihanovskaya mälimdeme jasağan. Oppoziciya ökili Tihanovskaya BWW-dan kömek swrap, bilik auıspayınşa, narazılıq şeruleri basılmaytının ayttı.

"The Qazaq Times"