Körneki suret. Foto: aşıq derekköz

28 qırküyekte elde 58 adamnan COVID-19 infekciyası, 10 adamnan koronavirus pnevmoniyası anıqtaldı. Bir künde 4 adam qaytıs bolğan. Qazaqstanda nauqastanğandardıñ resmi esebi 140 333-ke jetti. 

Jartı aydan beri Şığıs Qazaqstan oblısı kovid taraluı boyınşa birinşi qatarda twr. Düysenbi öñirde da 21 koronavirus jağdayı anıqtalğan. Basqa aymaqtarda täulik işinde tirkelgen keyster sanı onnan aspaydı. Türkistan, Qızılorda, Mañğıstau, Jambıl, Aqtöbe oblıstarında eşbir jağday tirkelmegen.

Qırküyektiñ 28-si küngi Ükimet dereginşe, 3 kisi koronavirustan qaytqan. Ötken küni dertinen ayıqqan 69 adam auruhanadan şıqtı. Emdelip jatqan 3,3 mıñ adamnıñ 1906-sı auruhanalarda, al 1394 nauqas ambulatorlıq baqılauda. Olardıñ 46-sı öskinşek bala. Sonday-aq, jağdayı auır 92 nauqas bar. Onıñ 12-si tım auır hälde jatır. 21 adam ökpeni jasandı jeldetu apparatına qosılğan.

Kovidtiñ asqınğan türi koronavirus pnevmoniyasına şaldıqqan bir adamnıñ jağdayı oñalmay, ömirden ötken. Biraq Densaulıq saqtau ministrligi aurudıñ kündelikti keysterin aymaqtar boyınşa jariyalamaydı. Äytpese, eki derttiñ etiologiya-klinikası bir, DDSW ekeuin birge qarastıruğa nwsqaydı. Degenmen vedomstvo eki diagnozdı alalap qaraydı.  Koronavirus pnevmoniyasına şaldıqqandar turalı bilik twşımdı aqparat bermeydi. Eşbir resmi resursta koronavirus siyaqtı auırğandardıñ sanı, aymaqtardağı ülesi, klinikalıq jağdayı, jas qwramı indiktarorları turalı müldem jariyalanbaydı.

1 tamızdan beri koronavirus pnevmoniyasına şaldıqqan  32,5 mıñ adamnıñ 27 mıñnan astamı jazılğan. 13 naurızdan beri bilik moyındağan 107 833 nauqastıñ 102 805-i ayıqqan.

DDSW mälimetinşe, Qazaqstanda auırğandardıñ sanı 140 mıñnan asqan. Degenmen Ükimet koronavirus pen onıñ pnevmoniyasın eki bölek eseptep keledi.

Pandemiya bastalğalı jalpı jiını virus jwqqandardıñ 2 655-i  (KVI+ / U07.1 – 1 728, KVI- / U07.2 – 351, ilespe aurulardan – 576) qaytıs bolğan. Alayda Qazaqstan biligi boyınan koronavirus tabılsa da, basqa aurulardıñ sebebinen qaytıs boldı delingen 576 adamdı jalpı statistikağa qosıp eseptemeydi. Sarapşılar bwğan qarsı. Olardıñ aytuınşa, koronavirustıñ janama äserinen qaytqandardıñ jartısınan astamınıñ sebebi qan aynalımı jüyesiniñ auruları bolğandıqtan, oğan infekciya dert qozdıruşı faktor retinde ölimge äkep soqtırğan.

Koronavirus dereginde, tipti koronavirus pnevmoniyasınan qaytqandardıñ sanında aytarlıqtay ayırmaşılıq joq. Biraq koronavirustı kündelikti tirkeu täjiribesi qalıptasqan Qazaqstan ükimeti pnevmoniyağa şaldıqqandardı esepke aluda «demala qoyadı». Senbi men jeksenbi küngi ayırma – 6 ese. Resmi derekke qarağanda, 26 qırküyek 229, 27-si küni 38, al 28-i 10 nauqas anıqtalğan. Osığan qarap ministrlik deregi bir emes, eki künge keşigip tüziletin tärizdi. Bwl turalı redakciya swratatın boladı. Sebebi jeksenbidegi mälimettiñ kemui auruhanalardıñ jwmıs küngi rejimde bolmauı siyaqtı tehnikalıq mäseleden bolsa, düysenbi tipti azaya qoyuı ekitalay. Küzgi tolqınğa «tas-tüyin, 100% dayın» ekenin süyinşiley habarlağan ministrlik koronavirus pnevmoniyası turalı aqpardı kem-şetin jariyalaydı. Prezident Toqaevtıñ tapsırması ayasında «aşı da bolsa şındıqtı aytıp, aqparattı birizdendirui» tiis Aleksey Coy men onıñ kömekşisi Bağdat Qojahmetov eki ay bwrın qwrılğan Aqparat-media ortalığınıñ jwmısın äli künge deyin jolğa qoya almay otır. Tipti DenMin ötkir swraqtar qoyatın törtinşi bilik sanalatın dästürli BAQ-tan göri äleumettik jelide tanımal blogerlermen äriptestikti birinşi orınğa qoyatının jasırmaydı.

"The Qazaq Times"