Bügin, 18 qırküyek äl-Farabi atındağı Qazaq Wlttıq Universitetinde qazaq jurnalistikasınıñ wlağattı wstazdarınıñ biri, jurnalist-jazuşı, tarihşı marqwm Äbilfayız Idırısovtıñ tuğanına 90 jıl toluına arnalğan birqatar şaralar ötti.  

Jurnalistika wstazınıñ qalam izderinen körgizbe qoyıldı. Foto: QT.

Äueli, Jurnalistika fakul'tetinde Ä. Idırısov atındağı därishananıñ aşılu saltanatı ötti. Saltanattı şarağa memleket qayratkeri, Qazaqstan Respublikasınıñ Wlıbritaniyadağı tötenşe jäne ökiletti elşisi Erlan Idırısov, Wlttıq universiettiñ rektorı Ğalımqayır Mwtanov, jurnalistik, «Qazaqstan RTRK» AQ basqarma törağasınıñ keñesşisi Nwrtileu Imanğaliwlı, aqın, f.ğ.d. Bauırjan Jaqıp, Jurnalistika fakul'tetiniñ dekanı Sağatbek Medeubek, Qwralay Idırısova qatarlı wlağattı wstazdıñ wrpaqtarı, jurnalistika men ğılımdağı şärkirtteri qatıstı.

Qara şañıraq Qaz-WU-da ötken şara «Bwqaralıq aqparat qwraldarın jäne baspasöz önimderin bezendiru öneriniñ qazirgi mäseleleri» attı onlayn konferenciyamen jalğastı. Konferenciyağa atalğan salanıñ bilgir mamandarı, oqıtuşılar men studentter onlayn qatıstı.

Konferenciya barısında Äbilfayız Idırısovtıñ «Wstaz. Ğalım. Jazuşı» attı kitabınıñ twsauı kesildi.

Äbilfayız Idırısov (1930-2019)  – Qazaqstan Respublikasınıñ eñbek siñirgen mädeniet qızmetkeri, QR-nıñ eñbek siñirgen qayratkeri. QazMU-dıñ (QazWU) jurnalistika fakul'tetin bitirgen (1953). 1953 – 54 j. “Qazaqstan pioneri” (qazirgi “Wlan”) gazeti redakciyasında ädebi qızmetker, bölim meñgeruşisi, jauaptı hatşı, redaktordıñ orınbasarı bolıp istedi. 1955 – 61 j. “Leninşil jas” (qazirgi “Jas alaş”) gazetinde bölim meñgeruşisi, jauaptı hatşı qızmetterin atqardı. 1961 – 65 j. “Qazaqstan pioneri” gazetinde bas redaktor, 1965 – 93 j. äl-Farabi atındağı Qazaq Wlttıq universitetinde ağa oqıtuşı, docent, professorı boldı. Idırısov osı jıldarı gazet bezendiru, poligrafiya isi, maqalalardı öñdeu jäne redakciyalau şeberligine baylanıstı 20-ğa tarta ädistemelik qwraldar men oqulıqtar jazıp, baspadan şığardı. Publicist-jazuşı, pedagog Idırısovtıñ qalamınan köptegen ğılımi-zertteu kitaptarı, derekti esse, hikayattarmen qatar “Ayjannıñ ğaşığı” (1965), “Berik” (1994), “Añsağan meniñ änimsiñ” (2000), “Aqsüyek”, “Ker bwzaudıñ ölimi” (2004) povesteri, “Tañşolpan” romanı (2005) jarıq kördi. Idırısov köptegen orden, medal'darmen marapattalğan.

"The Qazaq Times"