Qazaq jurnalistikasınıñ irgesin nığaytqan belgili jurnalist, ğalım, jazuşı, wstaz Äbilfayız Idırısov 12 qırküyekte 90-ğa qarağan şağında dünieden ötti.

Äbilfayız Idırısov 1930 jılı 23 aqpanda Qostanay oblısı Amangeldi audanı Egindisay auılında tuğan. Jazuşı, jurnalist, pedagog, tarih ğılımdarınıñ kandidatı.

Qazaq jurnalistikasınıñ ardageri Äbilfayız Idırısov. Foto: aşıq derekköz

Eñbek jolın «Qazaqstan pioneri» gazetinde ädebi qızmetker bolıp bastap, bas redaktor qızmetine deyin köterilgen. Radioda, respublikalıq basılımdarda tınımsız eñbek etti. Ol 800-den astam publicistikalıq maqalalar, oçerkter, oqulıqtar, «Qazaq jurnalistikasınıñ tarihı», «Oçerk jurnalistika janrı retinde», «Baspa önimderin äsemdeu» tağı basqa da pänder boyınşa ädistemelik qwraldar äzirledi. Äbilfayız Idırısov qazaq oqırmandarına «Tañşolpan» derekti romanınıñ avtorı retinde de keñinen tanımal jazuşı.

 

Wlttıq universitette wzaq jıl eñbek etken körnekti twlğalar jaylı jarıq körgen 51-kitap Ä.Idırısov turalı. Foto: aşıq derekköz. 

Wzaq jıldar özi tülep wşqan (1953 j.) äl-Farabi atındağı QazWU-de qızmet etken. Qazaq jurnalistikasınıñ ardageri, professor Äbilfayız Idırısov ömiriniñ jartı ğasırğa juıq uaqıtın osı joğarı oqu ornına arnadı. Ol poligrafiya isi, gazetti bezendiru jäne türlendiru öneriniñ negizin salıp berdi.

Qazaq jurnalistikasınıñ ardager wstazınıñ qazasına baylanıstı marqwmnıñ otbasına, tuğan-tuıstarına jäne bükil qazaq jwrtına qayğıra otırıp köñil aytamız! Marqwmnıñ topırağı torqa, mekeni jwmaq bolsın!

"The Qazaq Times"