Körneki suret. Foto: aşıq derekköz

Apta basında Qazaqstanda 65 adamnan COVID-19 infekciyası, 8 adamnan koronavirus pnevmoniyası anıqtaldı. Düysenbi küni 7 adam qaytıs bolğan.  

Bir aptadan beri Şığıs Qazaqstan oblısı kovid taraluı boyınşa 20 keyspen birinşi qatarda twr. Atırau oblısında 9, BQO-da 7, SQO-da 6, Qarağandı oblısında 5 adamnıñ virus jwqtırğan nauqas anıqtalğan.

Almatı, Tükistan jäne Aqmola aymaqtarında 3 jağdaydan, Qostanay, Pavlodar, Aqtöbe oblıstarında biren-saran keys tirkelgen. Virus qarqını keyingi künderi bäseñdegen Qızılorda, Mañğıstau, Jambıl oblıstarı men Şımkent qalasında eşbir jağday tirkelmegen.

Qırküyektiñ 14-i küngi Ükimet dereginşe, 4 kisi koronavirustan qaytqan. Emdelip jatqan 4,4 mıñ adamnıñ 2 362-si auruhanalarda, al 2 047 nauqas ambulatorlıq baqılauda. Sonday-aq, jağdayı auır 124 nauqas bar. Onıñ 20-sı tım auır hälde jatır. 20 adam ökpeni jasandı jeldetu apparatına qosılğan.

Ötken täulikte koronavirus pnevmoniyasına şaldıqqan 3 adamnıñ jağdayı oñalmay, ömirden ötken.  Biraq Densaulıq saqtau ministrligi atalğan aurudıñ kündelikti keysterin aymaqtar boyınşa jariyalamaydı. Äytpese bwğan deyin aymaqtıq bölinisin keminde apta sayın aşıq derekközde jariyalauğa birneşe ret söz bergen. Koronavirus pnevmoniyasına şaldıqqandar turalı bilik twşımdı aqparat bermeydi. Eşbir resmi resursta koronavirus siyaqtı auırğandardıñ sanı, aymaqtardağı ülesi, klinikalıq jağdayı, jas qwramı turalı parametrler müldem jariyalanbaydı.

1 tamızdan beri koronavirus pnevmoniyasına şaldıqqandar  29,6 mıñnan assa,  13 naurızdan beri bilik moyındağan COVID-19 infekciyasın jwqtırğandar qatarı 107 mıñğa juıqtağan.

DDSW mälimetinşe, Qazaqstanda auırğandardıñ sanı 136,5 mıñnan asqan. Degenmen Ükimet koronavirus pen onıñ pnevmoniyasın eki bölek eseptep keledi.

Pandemiya bastalğalı jalpı jiını virus jwqqandardıñ 2 582   (KVI+ / U07.1 – 1 675, KVI- / U07.2 – 331, ilespe aurulardan – 576) qaytıs bolğan. Alayda Qazaqstan biligi boyınan koronavirus tabılsa da, basqa aurulardıñ sebebinen qaytıs boldı delingen 576 adamdı jalpı statistikağa qosıp eseptemeydi. Sarapşılar bwğan qarsı. Olardıñ aytuınşa, koronavirustıñ janama äserinen qaytqandardıñ jartısınan astamınıñ sebebi qan aynalımı jüyesiniñ auruları bolğandıqtan, oğan infekciya dert qozdıruşı faktor retinde ölimge äkep soqtırğan.

"The Qazaq Times"