Germaniyada virus jwqtırğandar sanınıñ artuına baylanıstı, bes aymaqta şekteu şaraları qaytadan küşeytildi. Bwl turalı EADaily habarladı.

Resmi mälimetter boyınşa, ötken täulikte elde bir jarım mıñnan astam dertke şaldıqqan. Mamandardıñ boljauınşa, nauqastardıñ 40%-dan astamı virustı şetelde jwqtırğan.

Osı mäselege baylanıstı Robert Koh atındağı instituttıñ bölim basşısı Osama Hamauda: «Qazir koronavirus jwqtıru derekteri artıp jatqanın körip otırmız. Degenmen eldegi ahual aqpan nemese naurız aylarındağıday emes. Qauipti infekciyağa şaldıqqandardıñ basım böligi – 15 pen 50 jas aralığındağı azamattar. Mäselen, Rozenhaym qalasında indet bastalğan kezdegidey 60-tan asqan azamattar men 5 jas deyingi balalar arasında virus jwqtıru derekteri joq. Jalpı sırqatqa şaldıqqandardıñ aytuınşa, olar qaterli virustı sayahat kezinde jwqtırğan», – deydi.

Germaniyadağı qatañ şekteu şaraların birinşi kezekte Bavariya engizedi. aymaqta adam köp jinalatın jerlerde baqılau küşeyedi. Negizinen mwnday şara koronavirus jwqtırğandardıñ kürt artuımen baylanıstı.

Ötken senbiniñ özinde elde 2 mıñnan astam derek tirkelgen. Bwl säuirden beri bolmağan körsetkiş.Tärtipke bağınbağandarğa salınatın ayıppwl kölemi de joğarı. Bwrın Bavariyada betperde kimegender 150 euro ayıppwl tölese, endi onıñ mölşeri 250 euroğa arttı. Tärtipti ekinşi ret bwzğandarğa 500 euro ayıppwl salınadı. Üy jağdayındağı karantindi bwzğan nauqastar köşege şıqsa, 2 mıñ euro töleydi.

"The Qazaq Times"