Sudan and Israel flags together textile cloth, fabric texture

سەيسەنبىدە يزرايل مەن سۋدان بەيبىت كەلىسىمگە قول جەتكىزۋگە جاقىن ەكەنىن مالىمدەدى. وتكەن اپتادا يزرايل بىرىككەن اراب امىرلىكتەرىمەن تاريحي كەلىسىمگە قول قويعان بولاتىن.

Associated Press سۋدان ۇكىمەتى يزرايلمەن بەيبىت كەلىسىم جاساۋعا دايىن دەپ حابارلادى. "سۋدان مەن يزرايل اراسىنداعى سوعىس جالعاستىرۋعا ەشقانداي سەبەپ قالعان جوق" – دەلىنگەن Arab Sky News حابارىندا. سۋدان سىرتقى ىستەر دەپارتامەنتىنىڭ وكىلى ساديك مالىمدەمەسىندە ەكى ەل اراسىنداعى كەلىسىمدى راستادى.

يزرايل پرەمەر-ءمينيسترى بەنيامين نەتانياحۋ Twitter-دە كەلىسىمگە كەلۋ ءۇشىن بارلىق قادامعا دايىن ەكەنىن بىلدىرگەن. ول سونداي-اق، يزرايل مەن سۋدان جانە وڭىردەگى وزگە ەلدەردىڭ بەيبىت كەلىسىمگە كەلۋى ايماق حالقى مەن مەملەكەتتەرىنىڭ بەيبىت بولاشاعىنىڭ كەپىلى ەكەنىن اتاپ وتكەن.

اقپاندا يزرايل پرەمەرى سۋداننىڭ ەگەمەندىگى جونىندەگى كەڭەستىڭ باسشىسى ابدەل فاتتاح ءال-بۋرحانمەن ەكى ساعاتتىق كەزدەسۋ وتكىزدى، كەزدەسۋ بارىسىندا تاراپتار ەكى ەل اراسىنداعى قاتىناستاردى قالىپقا كەلتىرۋ جونىندە كەلىسسوزدەرگە جول اشقان.

يزرايل مىسىر مەن يوردانيادان كەيىن وتكەن اپتادا عانا اراب ەلدەرى اراسىندا ءۇشىنشى ەل رەتىندە بىرىككەن اراب امىرلىگىمەن بەيبىتشىلىك كەلىسىمىن جاساستى. بۇل ءيزرايلدىڭ سوڭعى 26 جىلدا العاش رەت اراب مەملەكەتىمەن بەيبىتشىلىك كەلىسىمىنە كەلۋى.

جەكسەنبىدە ءيزرايلدىڭ بارلاۋ قىزمەتىنىڭ جەتەكشىسى  ءباا-نەن كەيىن باحرەين، ومان جانە سۋدانعا ەلدەرى دە يزرايلمەن رەسمي سەرىكتەس بولا الاتىنىن ايتقان ەدى.

"The Qazaq Times"