Sudan and Israel flags together textile cloth, fabric texture

Сейсенбіде Израиль мен Судан бейбіт келісімге қол жеткізуге жақын екенін мәлімдеді. Өткен аптада Израиль Біріккен Араб Әмірліктерімен тарихи келісімге қол қойған болатын.

Associated Press Судан үкіметі Израильмен бейбіт келісім жасауға дайын деп хабарлады. "Судан мен Израиль арасындағы соғыс жалғастыруға ешқандай себеп қалған жоқ" – делінген Arab Sky News хабарында. Судан Сыртқы істер департаментінің өкілі Садик мәлімдемесінде екі ел арасындағы келісімді растады.

Израиль премер-министрі Беньямин Нетаньяху Twitter-де келісімге келу үшін барлық қадамға дайын екенін білдірген. Ол сондай-ақ, Израиль мен Судан және өңірдегі өзге елдердің бейбіт келісімге келуі аймақ халқы мен мемлекеттерінің бейбіт болашағының кепілі екенін атап өткен.

Ақпанда Израиль премьері Суданның егемендігі жөніндегі кеңестің басшысы Абдель Фаттах әл-Бурханмен екі сағаттық кездесу өткізді, кездесу барысында тараптар екі ел арасындағы қатынастарды қалыпқа келтіру жөнінде келіссөздерге жол ашқан.

Израиль Мысыр мен Иорданиядан кейін өткен аптада ғана араб елдері арасында үшінші ел ретінде Біріккен Араб Әмірлігімен бейбітшілік келісімін жасасты. Бұл Израильдің соңғы 26 жылда алғаш рет араб мемлекетімен бейбітшілік келісіміне келуі.

Жексенбіде Израильдің барлау қызметінің жетекшісі  БАӘ-нен кейін Бахрейн, Оман және Суданға елдері де Израильмен ресми серіктес бола алатынын айтқан еді.

"The Qazaq Times"