Foto: https://cdni

Belarus' ükimeti  otstavkağa ketti. Bwl turalı Wlttıq qwqıqtıq internet portalda jariyalandı.

Resmi habarlamada: «Belarus' Konstituciyasınıñ 106-babı, «Belarus' Respublikasınıñ Ministrler keñesi turalı» 2008 jılğı 23 şildedegi № 424-Z zañınıñ 9-babı boyınşa Belarus' ükimeti ökilettiligin toqtattı», – delingen.

9 tamızda Belarus'te prezidenttik saylau ötti. Resmi mälimetke säykes, prezident saylauınıñ aldın ala qorıtındısı boyınşa, qazirgi basşı Aleksandr Lukaşenkoğa saylauşılardıñ 80%-ı dauıs bergen, onıñ bastı qarsılası Svetlana Tihanovskaya 10% dauıs alğan. Narazılar saylau nätijesi bwrmalandı dep esepteydi. Saylaudan keyin elde jappay narazılıq orın alıp, Euroodaq pen Amerika şirek ğasır bilik etken Lukaşenkonıñ jeñisin moyındaudan bas tarttı. Sonımen qatar EO qwramındağı 27 memleket Belarus'ke sankciya engizu mäselesin qarastırdı. Lukaşenkonı «ayqın jeñisimen» qwttıqtağan elder qatarında Qıtay, Resey, Qazaqstan, Özbekstan, Täjikstan bar.

Belarus'te saylauğa deyin merziminen bwrın dauıs beru ötti. Mwnday norma el zañımen qarastırılğan, biraq qwqıq qorğauşılar men halıqaralıq baqılauşılar bwl ädisti qatañ sınğa aldı. Olardıñ pikirinşe, ükimet dauıs beru nätijelerin qoldan jasau täsilin paydalanğan.

11 tamızda Tihanovskaya Litvağa bas sauğalap ketkennen keyin eki ret beyne-ündeu jariyaladı. Birinde ol balalarınıñ qauipsizdigine alañdauı, lajsızdıq sebebinen ketkenin aytqan. Ekinşisinde Ortalıq saylau komissiyasınıñ jetekşisi Lidiya Ermoşinanıñ kabinetinde qısım jasalğandıqtan, qağazğa qarap otırıp jaqtastarın narazılıq akciyasına qatıspauğa şaqırğan.

Keşe narazılıq dekadasınıñ soñına qaray Tihanovskaya halıq lideri boluğa dayın ekenin ayttı.

"The Qazaq Times"