Armeniya tötenşe jağdaydı tağı bir ayğa wzartpaq. Bwl turalı el vice-prem'er Tigran Avinyan habarladı.

Armeniyanıñ ükimet basşısı eldegi epidemiologiyalıq jağdaydı äli de kürdeli dep sanap, halıqtı bosañsımauğa şaqırıp otır. Ahual naşarlauı mümkin dep qauiptenip otırğan Nikol Paşinyan: «Elde soñğı uaqıtta bayqalğan oñ dinamika özimen birge jaysız jañalıqtar da äkeldi. Azamattar körsetkişterdiñ tömendeuinen epidemiyağa qarsı erejelerdi saqtamay, talaptardı bwza bastadı. Köptegen adamdar «koronavirustı jeñdik» dep te oylaydı. Biraq bwl müldem olay emes!», – dedi.

Mälimetter boyınşa, Armeniyada qauipti virustı jwqtırğandar sanı 40 mıñğa tayap, soñğı bir täulikte tağı 166 adam indetke şaldıqqan. Qazir elde 350 adam asa auır halde jatır.

Soğan qaramastan, tötenşe jağdayda engizilgen birqatar şekteudiñ jaqın arada alınadı. Tigran Avinyannıñ mälimdeuinşe, şeteldik azamattardıñ elge kiruine rwqsat etiledi. Sonday-aq belgili bir tauarlardıñ eksportına birqatar şekteuler, mitingter jäne qoğamdıq is-şaralar ötkizu mäseleleri qayta qaralmaq. Bwl şekteulerdiñ alınuı epidemiologiyalıq jağdayğa, oñ dinamikanıñ saqtaluına jäne belgilengen erejelerdi qalay saqtaytınımızğa baylanıstı.

"The Qazaq Times"