6 şildede – Astana künine oray elorda äkimdigi qalanıñ üş jerinde otşaşu jasağanın qoğam qattı sınağan edi. Pandemiya ötinde, koronavirus jäne kovidtik pnevmoniya örşigen (däri-därmek, därigerler, auruhanada orın jetispey, qazanama köbeygen)  twsta eks-prezident Nwrswltan Nazarbaevtıñ 80 jas mereytoyımen qatar Astana küni de toylanbay qoymadı. Onlayn formatta köñil köteruge arnalğan is-şaralar ötkizilgen. Bwl qoğam tarapınan ötkir sınğa wşırağanı belgili. Atışulı otşaşuğa kim qanşa qarajatpen qoldau körsetken? 

Äleumettik jelilerde feyerverkke qarsı narazılıq köñil-küy artqannan keyin de  7 şilde elorda äkimi ötkizgen OrtKom (Ortalıq kommunikaciyalar qızmeti) brifinginde  tilşilerdiñ swrağı qoyılmay qalğan.

Sol küni qalanıñ mädeniet basqarması Instagram jelisindegi resmi paraqşasında  «Astana künine otşaşu jıl basında josparlanğan bolatın, demeuşiler materialdar satıp alıp, orındardı anıqtadı. Bwl feyerverk qala twrğındarınıñ köñil-küyin köteruge, koronaviruspen küreste aldıñğı qatarda twrğan medicina qızmetkerlerin qoldauğa arnalğan» degen jauap mänindegi jazba jariyalağan.

Arada eki jarım apta ötken soñ bilik pen onıñ ökilderiniñ äreketine tüsindirme jürgizetin ädetimen tanılğan Prezident äkimşiligi basşısınıñ birinşi orınbasarı Däuren Abaev öziniñ Facebook jelisindegi paraqşasında otşaşu jöninde «Qiın jağdayda adamdardıñ ruhın kötermek boldıq. Biraq bwl däriniñ aurudan da jaman bolatınınday äser qaldırdı» dep jazdı. Degenmen eks-ministrdiñ pikiri qazir qoljetimsiz bolıp twr.

Astananıñ mädeniet basqarması redakciya swrağına bılay jauap berdi:

– 2020 jıldıñ 6 şildesinde ötkizilgen otşaşulardıñ demeuşileri jeke biznestiñ ökilderi bolıp tabıladı. Özderin  jariya qılmau qwqığın eskergendikten,  ...esimderi men demeuşilik kömek mölşeri atalmaydı. Demeuşiler – astanalıq biznes ökilderi.

Astana äkimi Altay Kölginovtiñ baspasöz hatşısı, qala äkimdigi baspasöz qızmetiniñ jetekşisi Aqmaral Oljabaevanıñ aytuınşa, 6 şilde küngi otşaşuğa byudjetten bir tiın da jwmsalmağan, tek 3 demeuşi jalpı jiını 25 mln teñge qarjı bölgen.

Osılayşa «janazadağı jın oynaq» atalıp ketken atışulı otşaşudıñ şığınına 600-ge tarta tabısınan ayırılğan astanalıqqa 42,5 mıñ teñge järdemaqı beruge boladı. Demeuşiler atın atamauınıñ sebebi «belgisiz qalğısı keledi» eken. Mwndaydı şın mwqtajğa qol wşın sozğanda, juan jomarttıq jasağanda boluşı edi.

Redakciyanıñ «astana äkimdigi «twrğındardıñ köñil-küyin köteruge, koronaviruspen küreste  aldıñğı qatarda twrğan medicina qızmetkerlerin qoldauğa» (7 şildedegi mälimdemesinen – QT)  arnalğan otşaşudı qoğam narazılığınan keyin qate şeşim boldı dep sanay ma?» degen saualına:

«Äkimdik koronaviruspen küresude aldıñğı qatarda twrğan medicina qızmetkerlerin qoldau jäne azamattardıñ ruhın köteru maqsatında Nwr-Swltan qalasındağı otşaşular ötkizildi degen wstanımdı wstanadı», – dep jauap berdi.

Eks-ministr Abaev «ottı däriniñ» aurudan auır ekenin moyındasa, astana öz äreketin qate sanamaydı. Qoğamnıñ köp böligi «orınsız toy» dep esepteytin, mereke men mereytoy toğısqan küngi otşaşuğa atsalısqan demeuşilerdiñ şın atı tuğan kün iesine ğana mälim bolsa kerek.

P.S.: Aytpaqtay, astana äkiminiñ baspasöz hatşısı Aqmaral Oljabaeva eki apta bwrın joldanğan hatqa jauaptı basşılıqtıñ äli qol qoyıp ülgermegenin aytıp, joğarıda körsetilgen derekti jariyalauğa rwqsat etti. Düysenbi küni däl osı mälimetti resmi ülgidegi jauap hat türinde joldauğa uädesin berdi.

"The Qazaq Times"