Livan prezidenti Mişel' Aun. Foto: Duma.gov

Prezident Qasım-Jomart Toqaev Beyruttegi jarılıs kezinde qaza bolğandardıñ otbasılarına köñil aytıp, zardap şekkenderdiñ sauığıp ketuine tilektestik bildirdi.

Prezident öziniñ Ewitter paraqşasında: «Bügin Livan prezidenti Mişel' Aunmen telefon arqılı söylesip, Beyrut portındağı jarılıs kezinde qaza bolğan adamdardıñ otbasına köñil aytıp, zardap şekkenderdiñ sauığıp ketuine tilektestik bildirdim. QR azamattarınıñ (200-ge juıq), onıñ işinde qazaq diplomattarınıñ jäne BWW-nıñ bitimgerşilik küşteri qwramında qızmet atqarıp jürgen äskeri qızmetşilerdiñ qauipsizdigin qamtamasız etu jöninde şaralar qabıldau turalı ötiniş bildirdim. Livan prezidenti osınday qiın-qıstau kezeñde qoldau bildirgenimiz üşin alğıs aytıp, Qazaqstan azamattarınıñ qauipsizdigin qamtamasız etuge uäde berdi», – dep jazdı.

4 tamız keşke Beyruttegi teñiz portınıñ bazasında birneşe qattı jarılıs boldı. Saldarınan 100-den astam adam qaza tauıp, 4 mıñnan astam adam zardap şekken. Jarılıstıñ joyqan bolğanı sonşalıq, jaqın mañda ornalasqan üylerde, sonday-aq jarılıs epicentrinen birneşe şaqırım jerde ornalasqan ğimarattarda terezeleri sınğan. Jelide jarılıstıñ videosı tarağan bolatın.

Joyqın jarılıstan Livandağı QR diplomatiyalıq missiyasınıñ ğimaratına ziyan kelgen. Osı oqiğağa qatıstı QR Sırtqı ister ministri Mwhtar Tileuberdi tüsinikteme berdi.

Livan telearnası mälimetinde, joğarı lauazımdı twlğalar portta saqtalğan jarılğış natriy nitratı jarılısqa sebep boluı mümkin degen boljam aytıldı. Adamdar jarılıs bolğan jerde sarğış tütin körgenderin ayttı. Keyinnen belgili bolğanday, dwrıs saqtalmağan ammiak selitrası Beyruttegi jarılısqa sebep bolğan.

El prem'er-ministri Hasan Diab 5 tamızdı wlttıq aza küni dep jariyaladı.

"The Qazaq Times"