Resey prezidenti Vladimir Putin jäne Germaniya kancleri Angela Merkel'. Foto: EPA

Ukrainanıñ şığısındağı qazirgi ahual, Qırım anneksiyası mäselesi rettelmeyinşe, Resey G8 (Ülken segizdik) sammitine qatıstırılmaydı. Bwl turalı Germaniyanıñ sırtqı ister ministri Hayko Maas Rheinische Post gazetine habarladı.

«Resey Ukrainanıñ şığısındağı jağdayğa aralasqandıqtan, G8 formatınan şığarıldı. Mäskeu Kievke qısım körsetuin toqtatpayınşa, biz sammitte seriktes bolmaymız», – dedi ministr.

Bwğan deyin AQŞ prezidenti Tramp sammit qwramına Avustraliya, Ündistan jäne Oñtüstik Koreyanı qosu qajet degen. Biraq Germaniya SİM basşısı «bizge Reseymen birge G11, G12 siyaqtı wyımdar qajet emes» – dedi.

G7 yağni «Ülken jetilik» – Wlıbritaniya, Germaniya, Italiya, Kanada, AQŞ, Franciya jäne Japoniya kiretin ekonomikalıq damığan elderdiñ qauımdastığı.

1975 jılı klub retinde Wlıbritaniya, Batıs Germaniya, Italiya, AQŞ, Franciya jäne Japoniyamen alğaşqı kezdesui Franciyada ötti.

Klub 1976 jıldan 1997 jılğa deyin «jetilik» formatında jwmıs istedi. Resey anneksiyasınan keyin ol «Ülken segizdikke» aynaldı. 2014 jılı naurızda orın alğan Ukrainadağı oqiğalar, AQŞ pen Europanıñ Reseymen qarım-qatınasındağı dağdarıstan keyin taraptar baylanısı älsiregen.

"The Qazaq Times"