گەرمانيا ءسىم رەسەيگە قارسى مالىمدەمە جاسادى

ۋكراينانىڭ شىعىسىنداعى قازىرگى احۋال، قىرىم اننەكسياسى ماسەلەسى رەتتەلمەيىنشە، رەسەي G8 (ۇلكەن سەگىزدىك) سامميتىنە قاتىستىرىلمايدى. بۇل تۋرالى گەرمانيانىڭ سىرتقى ىستەر ءمينيسترى حايكو مااس Rheinische Post گازەتىنە حابارلادى.

«رەسەي ۋكراينانىڭ شىعىسىنداعى جاعدايعا ارالاسقاندىقتان، G8 فورماتىنان شىعارىلدى. ماسكەۋ كيەۆكە قىسىم كورسەتۋىن توقتاتپايىنشا، ءبىز سامميتتە سەرىكتەس بولمايمىز»، – دەدى مينيستر.

بۇعان دەيىن اقش پرەزيدەنتى ترامپ سامميت قۇرامىنا اۆۋستراليا، ءۇندىستان جانە وڭتۇستىك كورەيانى قوسۋ قاجەت دەگەن. بىراق گەرمانيا ءسىم باسشىسى «بىزگە رەسەيمەن بىرگە G11, G12 سياقتى ۇيىمدار قاجەت ەمەس» – دەدى.

G7 ياعني «ۇلكەن جەتىلىك» – ۇلىبريتانيا، گەرمانيا، يتاليا، كانادا، اقش، فرانتسيا جانە جاپونيا كىرەتىن ەكونوميكالىق دامىعان ەلدەردىڭ قاۋىمداستىعى.

1975 جىلى كلۋب رەتىندە ۇلىبريتانيا، باتىس گەرمانيا، يتاليا، اقش، فرانتسيا جانە جاپونيامەن العاشقى كەزدەسۋى فرانتسيادا ءوتتى.

كلۋب 1976 جىلدان 1997 جىلعا دەيىن «جەتىلىك» فورماتىندا جۇمىس ىستەدى. رەسەي اننەكسياسىنان كەيىن ول «ۇلكەن سەگىزدىككە» اينالدى. 2014 جىلى ناۋرىزدا ورىن العان ۋكرايناداعى وقيعالار، اقش پەن ەۋروپانىڭ رەسەيمەن قارىم-قاتىناسىنداعى داعدارىستان كەيىن تاراپتار بايلانىسى السىرەگەن.

"The Qazaq Times"