Reseydiñ Habarovsk, Vladivostok pen YUjno-Sahalinski aymağında gubernator Sergey Furgaldı qoldauğa arnalğan kezekti miting ötip jatır. Bül turalı Deutsch Welle habarladı.

Habarovskidegi narazılıq şeruleri 15-şi kün qatarınan jalğasuda. Qala äkimdiginiñ habarlauınşa, mitingke 3,5 mıñ adam qatısqan. Biraq DVhab saytı şeruge bir qalanıñ özindk 20 mıñğa juıq adam jinalğan deydi.

11 şildede narazılıq bildiruşiler aldımen jergilikti ükimet ğimaratınıñ janına jinaldı, sodan keyin Karl Marks köşesi boyınan ötip, gubernatordıñ wstaluına qarsı wrandadı. Oğan qatıstı sottıñ ädil ötuin talap etti. Ötken senbide elu mıñday adam Habarovsk köşelerine şığıp, Furgaldı bosatudı talap etti. 600 mıñday twrğını bar qalada bwğan deyin osınşama halıq şeruge şıqpağan. Tipti Reseydiñ iri qalalarında da soñğı 20 jılda osınday auqımdı şara ötpegen. Osı statistikanı nazarğa ala otırıp, sarapşılar bwl şeruler tolqının «revolyuciyağa qadam» dep bağalağan.

Habarovsk gubernatorı Sergey Furgal 9 şildede wstaldı. Ertesine Mäskeu sotınıñ şeşimimen qamauğa alındı. Tergeu mälimeti boyınşa, gubernatorğa 2004-2005 jıldarı üş käsipker – Aleksandr Smol'skiy, Evgeniy Zori men Oleg Bulatovtıñ qastandıqpen öltiriluin wyımdastırdı degen ayıp tağılğan. Olardıñ barlığı metall saudasımen aynalısqan. Al osı saladağı käsiporındardıñ bir ülesi Furgal men onıñ äyeline tiesili.

"The Qazaq Times"