AQŞ-tıñ BWW-dağı twraqtı ökili Nikki Heyli. Foto: centralasian.org

BWW Qauipsizdik Keñesi Siriyadağı jağdayğa qatıstı wjımdıq kelisim qabıldamasa, AQŞ derbes äreket etuge äzir ekenin mälimdedi. Keñes otırısında AQŞ-tıñ twraqtı ökili Nikki Heyli osılay dedi. Bwl turalı "Ortalıq Aziya habar qızmeti" jazadı.

Qauipsizdik Keñesiniñ Siriyadağı himiyalıq şabuılğa qatıstı jinalısı nätijesiz ayaqtaldı. AQŞ, Wlıbritaniya jäne Franciya wsınğan qarardı taraptardıñ kelise almauına baylanıstı dauısqa salmadı. Heylidiñ aytuınşa, Siriya ükimeti, Resey jäne Iran janjaldı şeşuge qwlıqsızdıq tanıtıp otır.

4 säuirde siriyalıq oppoziciya Han-Şeyhunda ondağan adam qaza tapqanın mälimdedi. Jergilikti därigerler jüykeniñ saldanuın tudıratın gaz qoldanğan boluı kerek dep otır. Aymaqta şaşamen 72 adam osı dertten köz jwmdı. Bülikşiler Siriyanıñ ükimet äskerin ayıptadı.

Himiyalıq şabuıldı sınağan qarar avtorları BWW-nı gaz qoldanuğa qatıstı qorıtındısın tezirek şığaruğa şaqırdı.

AQŞ jäne Euroodaq elderi himiyalıq şabuılğa Siriya prezidenti Başar Asad jüyesin ayıptap otır. Reseydiñ mälimdeuinşe, 4 säuirde siriyalıq aviaciya snaryad qoymalarına ulı zattarmen soqqı jasağan. Mäskeu nwsqası boyınşa, bwl snaryadtar Irak pen Siriyadağı terrorşılarğa jetkiziledi.

“The Qazaq Times”