اقش بۇۇ قاۋىپسىزدىك كەڭەسىن قورقىتۋعا كوشتى

بۇۇ قاۋىپسىزدىك كەڭەسى سيرياداعى جاعدايعا قاتىستى ۇجىمدىق كەلىسىم قابىلداماسا، اقش دەربەس ءارەكەت ەتۋگە ءاءزىر ەكەنىن مءالىمدەدى. كەڭەس وتىرىسىندا اقش-تىڭ تۇراقتى ءوكىلى نيككي حەيلي وسىلاي دەدى. بۇل تۋرالى "ورتالىق ازيا حابار قىزمەتى" جازادى.

قاۋىپسىزدىك كەڭەسىنىڭ سيرياداعى حيميالىق شابۋىلعا قاتىستى جينالىسى ناتيجەسىز اياقتالدى. اقش، ۇلىبريتانيا جانە فرانتسيا ۇسىنعان قاراردى تاراپتاردىڭ كەلىسە الماۋىنا بايلانىستى داۋىسقا سالمادى. حەيليدىڭ ايتۋىنشا، سيريا ۇكىمەتى، رەسەي جانە يران جانجالدى شەشۋگە قۇلىقسىزدىق تانىتىپ وتىر.

4 ساۋىردە سيريالىق وپپوزيتسيا حان-شەيحۋندا ونداعان ادام قازا تاپقانىن مالىمدەدى. جەرگىلىكتى دارىگەرلەر جۇيكەنىڭ سالدانۋىن تۋدىراتىن گاز قولدانعان بولۋى كەرەك دەپ وتىر. ايماقتا شاشامەن 72 ادام وسى دەرتتەن كوز جۇمدى. بۇلىكشىلەر سيريانىڭ ۇكىمەت اسكەرىن ايىپتادى.

حيميالىق شابۋىلدى سىناعان قارار اۆتورلارى بۇۇ-نى گاز قولدانۋعا قاتىستى قورىتىندىسىن تەزىرەك شىعارۋعا شاقىردى.

اقش جانە ەۋرووداق ەلدەرى حيميالىق شابۋىلعا سيريا پرەزيدەنتى باشار اساد جۇيەسىن ايىپتاپ وتىر. رەسەيدىڭ مالىمدەۋىنشە، 4 ساۋىردە سيريالىق اۆياتسيا سنارياد قويمالارىنا ۋلى زاتتارمەن سوققى جاساعان. ماسكەۋ نۇسقاسى بويىنشا، بۇل سناريادتار يراك پەن سيرياداعى تەررورشىلارعا جەتكىزىلەدى.

“The Qazaq Times”