Qazaqstanda karantin şaraları şildeniñ soñına deyin jalğasadı. Ükimettik komissiya 14 şildede şeşim qabıldaydı.

Karantin kezinde tabıssız qalğandarğa 42 500 teñge tölenedi. Bwl jöninde prezident Toqaev: «Qazir jağdaydıñ rettele bastağanınıñ alğaşqı nışandarı bayqaladı. Ahualdı tolıq twraqtandıru üşin aldağı eki aptanıñ mañızı zor. Mwqtaj jandarğa ükimet şildege 42,5 mıñ teñge töleydi», – dedi.

Mwnımen qatar, Qasım-Jomart Toqaev öziniñ Twitter paraqşasında: «Elimizdegi epidemiologiyalıq ahualğa baylanıstı karantin rejimi tağı eki aptağa sozılıp, şildeniñ soñına deyin jalğasadı. Erteñ Ükimettik komissiya şeşim qabıldaydı. Azamattarımız densaulığın saqtau üşin karantinniñ negizgi talabı özin-özi oqşaulau şarasın qatañ wstanuı qajet», – dep jazdı.

2 şilde Memlekettik komissiya otırısında Qazaqstandağı epidemiologiyalıq ahualdı twraqtandıru şaraları qaralıp, elde 14 künge karantin şekteuleri engizilgen. Sol küni qazirgi densaulıq saqtau ministri Aleksey Coy elde COVID-19 dertinen qaytıs bolğandar sanı aptasına bir ret jariyalanadı dep mälimdedi.

Qazaqstanda pandemiya bastalğalı beri 60 mıñğa juıq adam COVID-19 indetin jwqtırdı, 34 mıñnan astam adam sauığıp şıqtı. 375 nauqas qaytıs boldı. Koronaviruspen qatar elde pnevmoniya örşip twr. 2020 jıldıñ alğaşqı altı ayında 98 546 adam pnevmoniyağa şaldıqqan. Osı jılı mausımda Qazaqstanda 628 adam pnevmoniyadan köz jwmğan.

"The Qazaq Times"