Halıqaralıq qauımdastıq koronavirustıq pandemiyanıñ äleumettik dağdarısqa wlasuına jol bermeui kerek. Biraq pandemiya saldarınan Europa ekonomikası iri dağdarısqa wşırauı mümkin. Bwl turalı Germaniya kancleri Angela Merkel' Halıqaralıq eñbek wyımı (HEW) sammitindegi beyne-habarlamasında ayttı.

Merkel' sözinde: «Pandemiya bizge halıqaralıq ıntımaqtastıqtıñ qanşalıqtı mañızdı ekenin körsetti. Qazirgi qiın kezeñde äleumettik kriziske tötep beruge tiispiz. Osığan baylanıstı bizge Halıqaralıq eñbek wyımı sındı birlkstikter qajet. Jalpığa ortaq qiındıqtı jeñuge kömektesetin wyımdar kerek», – dedi.

Qazirgi uaqıtta Europa elderi koronavirusqa baylanıstı şekteulerdi alıp tastau bayau qarqınmen jürip jatqandıqtan, biılğı jılı pandemiyanıñ ekonomikalıq belsendilikke äseri bwğan deyin boljanğannan göri edäuir bolmaq.

2020 jıldıñ jaz mezligine arnalğan ekonomikalıq boljam boyınşa, euroaymaqtıñ ekonomikası biıl 8,7% tömendeydi, 2021 jılı 6,1% ösedi. Al EO ekonomikası 2020 jılı 8,3% tömendep, kelesi jılı 5,8% ğana artadı.

Osılayşa, 2020 jılı recessiya euroaymaq üşin 7,7% jäne jalpı EO üşin 7,4% qwrap, boljanğannan äldeqayda tereñ bolmaq. 2021 jılğı ösim Eurokomissiyanıñ köktemde kütken deñgeyinen birşama twraqtı boladı.

"The Qazaq Times"