حالىقارالىق قاۋىمداستىق كوروناۆيرۋستىق پاندەميانىڭ الەۋمەتتىك داعدارىسقا ۇلاسۋىنا جول بەرمەۋى كەرەك. بىراق پاندەميا سالدارىنان ەۋروپا ەكونوميكاسى ءىرى داعدارىسقا ۇشىراۋى مۇمكىن. بۇل تۋرالى گەرمانيا كانتسلەرى انگەلا مەركەل حالىقارالىق ەڭبەك ۇيىمى (حەۇ) سامميتىندەگى بەينە-حابارلاماسىندا ايتتى.

مەركەل سوزىندە: «پاندەميا بىزگە حالىقارالىق ىنتىماقتاستىقتىڭ قانشالىقتى ماڭىزدى ەكەنىن كورسەتتى. قازىرگى قيىن كەزەڭدە الەۋمەتتىك كريزيسكە توتەپ بەرۋگە ءتيىسپىز. وسىعان بايلانىستى بىزگە حالىقارالىق ەڭبەك ۇيىمى سىندى بىرلكستىكتەر قاجەت. جالپىعا ورتاق قيىندىقتى جەڭۋگە كومەكتەسەتىن ۇيىمدار كەرەك»، – دەدى.

قازىرگى ۋاقىتتا ەۋروپا ەلدەرى كوروناۆيرۋسقا بايلانىستى شەكتەۋلەردى الىپ تاستاۋ باياۋ قارقىنمەن ءجۇرىپ جاتقاندىقتان، بيىلعى جىلى پاندەميانىڭ ەكونوميكالىق بەلسەندىلىككە اسەرى بۇعان دەيىن بولجانعاننان گورى ەداۋىر بولماق.

2020 جىلدىڭ جاز مەزلىگىنە ارنالعان ەكونوميكالىق بولجام بويىنشا، ەۋروايماقتىڭ ەكونوميكاسى بيىل 8,7% تومەندەيدى، 2021 جىلى 6,1% وسەدى. ال ەو ەكونوميكاسى 2020 جىلى 8,3% تومەندەپ، كەلەسى جىلى 5,8% عانا ارتادى.

وسىلايشا، 2020 جىلى رەتسەسسيا ەۋروايماق ءۇشىن 7,7% جانە جالپى ەو ءۇشىن 7,4% قۇراپ، بولجانعاننان الدەقايدا تەرەڭ بولماق. 2021 جىلعى ءوسىم ەۋروكوميسسيانىڭ كوكتەمدە كۇتكەن دەڭگەيىنەن ءبىرشاما تۇراقتى بولادى.

"The Qazaq Times"