Majarstanda koronavirus indet turalı kün sayın aqparat beru toqtatıldı. Bwl turalı Majarstan Ükimetiniñ resmi aqparatı habarladı dep jazdı Madiyar-Twran Qauımdastığınıñ üylestiruşisi, tarih ğılımdarınıñ kandidatı Babaqwmar Qinayat öz paraqşasında.

İndet jwqtıru azayğan, keşe bir adam ğana auırğan.
Majarstan ükimetiniñ indetke baylanıstı qwrılğan Tötenşe äbjil (operativ) komissiyası aqpannıñ 25-nen bastap 113 kün boyı kezekşilik jwmıs jasap keldi. Komissiya İİM qauirsizdik wyımınıñ ğimaratında ornalasqan, oğan İİM-niñ külli qwrılımı jwmıldırılğan. Sonımen birge, eldiñ Densaulıq, Sırtqı ister, Innovaciya, Auıl şaruaşılıq, Qorğanıs ministrlikteriniñ ökilderi de komissiyağa qamtılğan. 100 kün işinde komissiyağa el azamattarı187 mıñ qoñırau şalğan, 64 mıñ E-poçta jazıp kömek swrağan...
Kün sayın sağat 11-de eldiñ bas sandärigeri jäne policiya lauazımdısı (Bas Policiya ökili jäne jedel qızmet jetkişisi, polkovnik) soñğı aqparattıq esepti halıqqa habarlap, koronavirustıñ taraluı, aurudıñ jay-küyi jäne ükimet qabıldağan şaralar turalı şekteuler onıñ auqımı men merzimderi turalı twraqtı habardar etip kelgen-di.
Majarstanda koronavirus indeti 4 naurız küni eki irandıq studentten anıqtalğan. Alğaşqı ölim 15 naurızda orın aldı, al 16-şı aptadağı eñ joğarı körsetkiş 97 ölim boldı.. 20 jasqa deyingi jwqtırğandardıñ sanı - 90. Auru jwqtırğandardıñ 57% -ı äyel, 43% -ı er adamdar.
Qazirgi deyin 4 078 adamğa (93-i şeteldikter) jwqtırğan, onıñ 2547 adam tolıqtay sauıqqan, qaytıs bolğandar - 567. Otız jasqa deyingiler arasında ölim-jitim tirkelgen joq, Ölimniñ 20 payızı 80-nen asqan, 25 payızı 65 jastan asqandar. 100 mıñ adamğa şaqqanda infekciya deñgeyi 49, ölim deñgeyi 5,8 tömen körsetkiş deuge boladı. Tötenşe jağday jariyalanğannan keyin şet elden 93 adam indet äkegen, köbi Avstriyadan 33, Britaniyadan 17, basqa elderden 3-5 adam auru jwqtırıp kelgen.
Qazirgi belsendi türde 964 adam aurudı jwqtırğan, 275 adam auruhanağa jatqızılğan, 19 adam respiratorğa tüsken. Barlığı 235 377 adam testileuden ötken. Kezekşilik habar taratu toqtatılğanımen, tötenşe komissiya öz jwmısın jalğastıra beredi.

"The Qazaq Times"