ماجارستاندا كوروناۆيرۋس ىندەت تۋرالى كۇن سايىن اقپارات بەرۋ توقتاتىلدى. بۇل تۋرالى ماجارستان ۇكىمەتىنىڭ رەسمي اقپاراتى حابارلادى دەپ جازدى ماديار-تۇران قاۋىمداستىعىنىڭ ۇيلەستىرۋشىسى، تاريح عىلىمدارىنىڭ كانديداتى باباقۇمار قينايات ءوز پاراقشاسىندا.
ىندەت جۇقتىرۋ ازايعان، كەششە ءبىر ادام عانا اۋىرعان.
ماجارستان ۇكىمەتىنىڭ ىندەتكە بايلانىستى قۇرىلعان توتەنشە ءابجىل (وپەراتيۆ) كوميسسياسى اقپاننىڭ 25-نەن باستاپ 113 كۇن بويى كەزەكشىلىك جۇمىس جاساپ كەلدى. كوميسسيا ءىىم قاۋىرسىزدىك ۇيىمىنىڭ عيماراتىندا ورنالاسقان، وعان ءىىم-ءنىڭ كۇللى قۇرىلىمى جۇمىلدىرىلعان. سونىمەن بىرگە، ەلدىڭ دەنساۋلىق، سىرتقى ىستەر، يننوۆاتسيا، اۋىل شارۋاشىلىق، قورعانىس مينيسترلىكتەرىنىڭ وكىلدەرى دە كوميسسياعا قامتىلعان. 100 كۇن ىشىندە كوميسسياعا ەل ازاماتتارى187 مىڭ قوڭىراۋ شالعان، 64 مىڭ ە-پوچتا جازىپ كومەك سۇراعان...
كۇن سايىن ساعات 11-دە ەلدىڭ باس ساندارىگەرى جانە پوليتسيا لاۋازىمدىسى (باس پوليتسيا وكىلى جانە جەدەل قىزمەت جەتكىشىسى، پولكوۆنيك) سوڭعى اقپاراتتىق ەسەپتى حالىققا حابارلاپ، كوروناۆيرۋستىڭ تارالۋى، اۋرۋدىڭ جاي-كۇيى جانە ۇكىمەت قابىلداعان شارالار تۋرالى شەكتەۋلەر ونىڭ اۋقىمى مەن مەرزىمدەرى تۋرالى تۇراقتى حاباردار ەتىپ كەلگەن-ءدى.
ماجارستاندا كوروناۆيرۋس ىندەتى 4 ناۋرىز كۇنى ەكى يراندىق ستۋدەنتتەن انىقتالعان. العاشقى ءولىم 15 ناۋرىزدا ورىن الدى، ال 16-شى اپتاداعى ەڭ جوعارى كورسەتكىش 97 ءولىم بولدى.. 20 جاسقا دەيىنگى جۇقتىرعانداردىڭ سانى - 90. اۋرۋ جۇقتىرعانداردىڭ 57% -ى ايەل، 43% -ى ەر ادامدار.
قازىرگى دەيىن 4 078 ادامعا (93-ءى شەتەلدىكتەر) جۇقتىرعان، ونىڭ 2547 ادام تولىقتاي ساۋىققان، قايتىس بولعاندار - 567. وتىز جاسقا دەيىنگىلەر اراسىندا ءولىم-ءجىتىم تىركەلگەن جوق، ءولىمنىڭ 20 پايىزى 80-نەن اسقان، 25 پايىزى 65 جاستان اسقاندار. 100 مىڭ ادامعا شاققاندا ينفەكتسيا دەڭگەيى 49, ءولىم دەڭگەيى 5,8 تومەن كورسەتكىش دەۋگە بولادى. توتەنشە جاعداي جاريالانعاننان كەيىن شەت ەلدەن 93 ادام ىندەت اكەگەن، كوبى اۆستريادان 33, بريتانيادان 17, باسقا ەلدەردەن 3-5 ادام اۋرۋ جۇقتىرىپ كەلگەن.
قازىرگى بەلسەندى تۇردە 964 ادام اۋرۋدى جۇقتىرعان، 275 ادام اۋرۋحاناعا جاتقىزىلعان، 19 ادام رەسپيراتورعا تۇسكەن. بارلىعى 235 377 ادام تەستىلەۋدەن وتكەن. كەزەكشىلىك حابار تاراتۋ توقتاتىلعانىمەن، توتەنشە كوميسسيا ءوز جۇمىسىن جالعاستىرا بەرەدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟