Iranğa qarata 2015 jılı BWW tarabınan bekitilgen qaru-jaraq embargosınıñ merzimi biıl qazan ayında ayaqtalmaq. AQŞ atalğan embargonı wzartu turalı BWW-ğa wsınıs jasap otır. Al Iran Resey men Qıtaydı AQŞ-tıñ bwl ötinişin boldırmauğa şaqırdı.

AQŞ prezidenti Donal'd Tramp BWW-ğa qaratqan mälimdemesinde Iranğa qoyılğan embargo küşin joysa Orta-Şığısta qarulı qaqtığıstardıñ küşeyip ketui mümkin eken eskertken. AQŞ prezidenti Iran qaru-jaraq importına mümkindik alsa öñirdegi qaqtığıstardı qolday tüsedi dep qaraydı.

Qwrama Ştattıñ bwl mälimdemesi Tehran biligin "şır" etkizdi. Särsenbi küni Iran prezidenti Hasan Ruhani AQŞ-tıñ wsınısı şekten şıqqanın aytıp, bwl is boyınşa Qauipsizdik keñeske jüginetinin jetkizdi. Ol Qauipsizdik keñesiniñ özge tört müşesi, äsirese Qıtay men Resey AQŞ şeşimine kelispeydi dep ümittenetinin ayttı.

BWW Qaipsizdik keñesinde qanday da bir şeşimge Resey men Qıtaydıñ veto qoyu qwqığı bar. Bwl jolı da bwl qwqıqtarın paydalandı. Iranğa qarsı qaru-jaraq embargosın jalğastıru turalı AQŞ wsınısına qarsı boldı.

Biraq, AQŞ tarabı aytqanınan qaytqan joq. Eger, QK qaru-jaraq embargosın wzartpasa, Iranğa qatıstı BWW-nıñ barlıq sankciyaların, onıñ işinde qaru-jaraq embargonın Irannıñ yadrolıq kelisiminde qarastırılğan tärtipke säykes tolıq qalpına keltiredi dep qorqıttı.

Alayda, Resey men Qıtay qazirdiñ özinde uaşingtonnıñ Iranğa qarsı sankciyaların jan-jaqtı qalpına keltiruge qarsı şığıp, Qauipsizdik Keñesinde Irandı qorğap otır.

Reseydiñ sırtqı ister ministri Lavrov pen Qıtaydıñ sırtqı ister ministri Uañ I (Van I) BWW Qauipsizdik Keñesine jäne BWW Bas hatşısına hat joldağan. Lavrov 27 mamırdağı hatında Qwrama Ştattardıñ Irannıñ yadrolıq kelisiminen şıqqanın jäne Qauipsizdik Keñesiniñ Iranğa qatıstı sankciyaların tolığımen qalpına keltirudi talap etuge qwqığı joq ekenin ayttı.

Sonday-aq, Qıtay sırtqı ister ministri hatında AQŞ bwdan bılay Irannıñ yadrolıq kelisimine qatısuşı emes, sondıqtan Qauipsizdik Keñesiniñ Iranğa qarsı sankciyaların tez arada qalpına keltirudi talap etuge qwqığı joq dep mälimdedi.

Iran men Saud Arabiyası Orta Şığısta eñ ülken baqtalas küşter sanaladı. Eger, Iranğa qarsı sankciyalar alınıptastalsa Saud Arabiyası öñirdegi ıqpal bäsekesinde Iranğa qarsı twra almauı mümkin. Al, AQŞ bolsa odaqtası Saud Arabiyasın Iranğa qarsı qalqan retinde qorğauğa müddeli.

"The Qazaq Times"