Foto: https://qazaquni.kz

Senat depuattarınıñ saylauı 12 tamızda ötetin boldı.

Bügin el prezidenti Parlament Senatı deputattarınıñ saylauın 2020 jılğı 12 tamızğa tağayındau turalı qaulığa qol qoydı.

Soñğı ret senat deputattarın saylau 2017 jılı ötken bolatın. Senat deputattarınıñ ökilettik merzimi – 6 jıl. Ärbir üş jılda ökilettigi ayaqtalğan deputattar qayta saylanadı. Qazaqstan zañnamasına säykes, senatqa är oblıs pen respublikalıq mañızı bar qalalardan eki adamnan saylanadı. Deputattardıñ 34-in mäslihat deputattarı saylaydı, qalğan 15-in prezident tağayındaydı.

Qaulı mätini tömendegidey:

Qazaqstan Respublikası Konstituciyasınıñ 44-babınıñ 2) tarmaqşasına, «Qazaqstan Respublikasındağı saylau turalı» 1995 jılğı 28 qırküyektegi Qazaqstan Respublikası Konstituciyalıq zañınıñ 69 babına säykes Qazaqstan Respublikası Parlamenti Senatınıñ deputattarı ökilettikteriniñ konstituciyalıq merziminiñ 2020 jılğı qazan ayında ayaqtalatınına baylanıstı QAULI ETEMİN:

  1. Qazaqstan Respublikası Parlamenti Senatı deputattarınıñ saylauı 2020 jılğı 12 tamızğa tağayındalsın.
  2. Qazaqstan Respublikasınıñ Ükimeti, Nwr-Swltan, Almatı jäne Şımkent qalalarınıñ, oblıstardıñ äkimderi Qazaqstan Respublikası Parlamenti Senatı deputattarınıñ saylauın wyımdastıruşılıq, materialdıq-tehnikalıq jäne qarjılıq qamtamasız etu jöninde şaralar qabıldasın. 3. Osı Jarlıq jariyalanğan küninen bastap qoldanısqa engiziledi.

"The Qazaq Times"