Iranda qwlağan ukrainalıq wşaq apatına qatıstı sot ükimi şıqtı

Iranda Ukraina wşağınıñ qwlauına qatısı bar dep ayıptalğan 6 adam wstaldı.

8 qañtarda orın alğan qayğılı jağdayğa «adami faktor» sebep bolğandığı aytıladı. Şeteldik BAQ bwl jağdaydı «katastrofalıq qatelik» dep bağaladı. Osığan deyin apat sebebi jöninde tört boljam bolğan: zımıranmen atıp tüsiru, bort işindegi terakt, wşaq motorınıñ januı nemese wşqışsız wşaqpen soqtığısu.

Sot biliginiñ ökili Golamhoseyn Esmaili osı uaqıtqa deyin Ukraina wşağınıñ qwlauına qatıstı wstalğan 6 ayıptaluşınıñ üşeui kepil soma tölep qamaudan şıqqanın, tağı üşeui qamalğanın ayttı.

Tehrandağı Imam Homeni halıqaralıq äuejayı mañında apatqa wşırağan Boeing 737 bortındağı 176 jolauşınıñ bäri köz jwmğan. Resmi mälimetter boyınşa, bortta 82 irandıq, 63 kanadalıq, 10 şved, 4 auğan, 3 britandıq jäne Germaniyanıñ 3 azamatı bolğan. Wşaq «Ukraina halıqaralıq äue joldarı» äuekompaniyasına tiesili.

AQŞ Tehrandağı halıqaralıq äuejay mañında orın alğan ukrainalıq wşaq apatına Irannıñ qatısı bar dep esepteydi. Tek qana Amerika emes, Kanada jäne Ukraina laynerge Iran zımıranı abaysızda tigen boluı mümkin degen boljam jasadı. Däl sol küni birneşe sağat bwrın Iran AQŞ-tıñ Iraktağı äskeri bazaların zımıranmen atqılağan.

"The Qazaq Times"