Eks-prezidentti sınağan Arman Hasenovti "qateligine ökinitendirgen" WQK bir künde wstağan. Fotokollaj: aşıq derekköz

Qazaqstannıñ eks-prezidenti Nwrswltan Nazarbaevtıñ atına ayıptau mäninde sıni mälimdeme jasağan qarağandılıq Arman Hasenov sottaldı.

Oğan sot üş jıl bas bostandığın şekteuge ükim şığardı.

 «Hasenov Arman Qayratwlı Qazaqstan Respublikası Qılmıstıq kodeksiniñ «Twñğış prezidentti köpşilik aldında qorlau jäne onıñ abıroyı men qadir-qasietine qolswğuşılıq» babımen (373-bap 2-böligi) qılmıs jasadı dep ayıptaldı jäne üş jılğa probaciyalıq baqılau tärtibimen bas bostandığı şekteldi. Qılmıstıq kodekstiñ 44-babı 1-böligi boyınşa onı jıl sayın 100 sağat köleminde mäjbürli eñbekke tartıladı», – delingen Qarağandı ​​oblısına qarastı Qazıbek bi audandıq sotınıñ şeşiminde.

Sonday-aq odan zardap şekkenderge ötemaqı qorınıñ paydasına 15 aylıq eseptik körsetkiş (41 670 teñge) jäne sot şığındarı 4244 mıñ teñge köleminde öndirilip alınbaq. Sot ükiminde  Hasenov kinäsin moyındap, «şın jürekten ökingenin habarladı» delingen.

Hasenov YouTube saytında 12 säuirde eldi 30 jılday basqarğan bwrınğı prezident Nwrswltan Nazarbaevtı jäne onıñ qwrğan sayasi jüyesin ötkir sınğa alğan beynejazba jariyalağan. Arada kün ötpesten onı WQK qızmetkerleri wstap edi.

Mamır ayınıñ basında EQIW-nıñ Söz bostandığı jönindegi arnayı uäkili Arlem Desir Qazaqstandağı jağdayğa alañdap, zañdı twlğalarğa tiispeudi qwqıqtıq institut deñgeyinde zañdastıruın sınağan.

«Şekarasız tilşiler» halıqaralıq wyımı jariyalağan «Älemdik baspasöz bostandığı indeksi» reytinginde  Qazaqstan biıl 180 eldiñ işinde Özbekstannan bir satığa tömen 157-orınğa twraqtadı.

"The Qazaq Times"