قازاقستاننىڭ ەكس-پرەزيدەنتى نۇرسۇلتان نازارباەۆتىڭ اتىنا ايىپتاۋ مانىندە سىني مالىمدەمە جاساعان قاراعاندىلىق ارمان حاسەنوۆ سوتتالدى.
وعان سوت ءۇش جىل باس بوستاندىعىن شەكتەۋگە ۇكىم شىعاردى.
«حاسەنوۆ ارمان قايراتۇلى قازاقستان رەسپۋبليكاسى قىلمىستىق كودەكسىنىڭ «تۇڭعىش پرەزيدەنتتى كوپشىلىك الدىندا قورلاۋ جانە ونىڭ ابىرويى مەن قادىر-قاسيەتىنە قولسۇعۋشىلىق» بابىمەن (373-باپ 2-بولىگى) قىلمىس جاسادى دەپ ايىپتالدى جانە ءۇش جىلعا پروباتسيالىق باقىلاۋ تارتىبىمەن باس بوستاندىعى شەكتەلدى. قىلمىستىق كودەكستىڭ 44-بابى 1-بولىگى بويىنشا ونى جىل سايىن 100 ساعات كولەمىندە ءماجبۇرلى ەڭبەككە تارتىلادى»، – دەلىنگەن قاراعاندى وبلىسىنا قاراستى قازىبەك بي اۋداندىق سوتىنىڭ شەشىمىندە.
سونداي-اق ودان زارداپ شەككەندەرگە وتەماقى قورىنىڭ پايداسىنا 15 ايلىق ەسەپتىك كورسەتكىش (41 670 تەڭگە) جانە سوت شىعىندارى 4244 مىڭ تەڭگە كولەمىندە ءوندىرىلىپ الىنباق. سوت ۇكىمىندە حاسەنوۆ كىناسىن مويىنداپ، «شىن جۇرەكتەن وكىنگەنىن حابارلادى» دەلىنگەن.
حاسەنوۆ YouTube سايتىندا 12 ساۋىردە ەلدى 30 جىلداي باسقارعان بۇرىنعى پرەزيدەنت نۇرسۇلتان نازارباەۆتى جانە ونىڭ قۇرعان ساياسي جۇيەسىن وتكىر سىنعا العان بەينەجازبا جاريالاعان. ارادا كۇن وتپەستەن ونى ۇقك قىزمەتكەرلەرى ۇستاپ ەدى.
مامىر ايىنىڭ باسىندا ەقىۇ-نىڭ ءسوز بوستاندىعى جونىندەگى ارنايى ۋاكىلى ارلەم دەسير قازاقستانداعى جاعدايعا الاڭداپ، زاڭدى تۇلعالارعا تيىسپەۋدى قۇقىقتىق ينستيتۋت دەڭگەيىندە زاڭداستىرۋىن سىناعان.
«شەكاراسىز تىلشىلەر» حالىقارالىق ۇيىمى جاريالاعان «الەمدىك ءباسپاسوز بوستاندىعى يندەكسى» رەيتينگىندە قازاقستان بيىل 180 ەلدىڭ ىشىندە وزبەكستاننان ءبىر ساتىعا تومەن 157-ورىنعا تۇراقتادى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟