Düniejüzilik densaulıq saqtau wyımımen baylanısın üzgen AQŞ prezidenti Donal'd Tramp Qıtay ğalımdarına küdikpen qaraytının ayttı.

Aq üy basşısınıñ sözinşe, qıtaylıqtar AQŞ-tıñ qwpiya tehnologiyaları men ziyatkerlik menşigin wrlauı mümkin degen küdik bar. Bıltırdıñ özinde 50-den asa adamğa osınday ayıp tağılğan. Bwğan deyin AQŞ-tıñ Sauda ministrligi Qıtaydıñ 24 kommerciyalıq jäne ükimettik wyımına qarsı sankciya engizgen. Olarğa «äskeri maqsatta jappay qırıp-joyu qaruın jasau üşin AQŞ tauarları men tehnologiyaların importtaydı» degen ayıp tağılğan.

Düniejüzilik densaulıq saqtau wyımına da osığan wqsas ayıp tağıldı. Tramp sözinde halıqaralıq wyım koronavirustıñ örşigenin bile twra, Qıtayğa indettiñ taraluı turalı mälimetti jasırıp qaluğa kömekteskenin ayttı. Donal'd Tramp: «Qıtaydıñ Uhan' virusı turalı mälimetti jasırıp qaluı infekciyanıñ bükil älemge tarauına jol aştı. Söytip, onıñ artı pandemiyağa wlasıp, indet jüz mıñdağan adamnıñ ömirin qidı. Qıtaylıq şeneunikter Düniejüzilik densaulıq saqtau wyımına naqtı aqparat wsınu boyınşa öz mindettemelerin orındağan joq. Kerisinşe, oğan qısım körsetti. Osı rette wyım biz talap etken reformalardı iske asıra almağandıqtan, onımen aradağı baylanıstı üzbekpiz», – dedi.

AQŞ prezidenti osığan deyin de birneşe ret wyım basşılığınıñ Beyjiñmen mämilege barğanın aytıp, ayıptağan bolatın. Sol sebepti Qwrama ştattar atalğan wyımdı qarjılandırudan bas tartıp, oğan müşe boludı toqtatının mälimdegen. Bwl jöninde Donal'd Tramp Tedros Gebreyesusqa joldağan hatında jäne Twitter-degi paraqşasında jazdı.

"The Qazaq Times"