1 mausımnan bastap Qazaqstannıñ qalalarındağı blok-beketterdiñ jwmısı toqtamaq. Industriya jäne infraqwrılımdı damıtu ministrliginiñ transport komitetiniñ törağası Jänibek Tayjanovtıñ sözinşe, 5 mausımnan bastap qalaaralıq avtobustar qatınay bastaydı.

Qazaqstanda barlığı qalaaralıq 313 marşrutta 88 tasımaldauşığa qarastı 610 avtobustar jwmıs isteydi.

«Vedomstvoaralıq komissiyanıñ 1 mausımnan bastap qalalar arasındağı blokbeketterdi alıp tastau turalı şeşimine säykes 5 mausımnan bastap tasımaldaudı qayta bastau boyınşa jwmıstar jürgiziledi. Jolauşılardı avtobustarmen tasımaldau kezindegi tiisti jwmıs algoritmi bas sanitar därigerdiñ 2020 jılğı 10 mamırdağı qaulısınıñ talaptarın eskere otırıp äzirlengen, marşruttıñ soñğı punktterinde avtobustarğa dezinfekciya jürgizilui tiis, jolauşılarğa tek maskamen kiruge rwqsat beriledi», – dedi Jänibek Tayjanov OKQ brifinginde.

Onıñ aytuınşa, äkimdikter tasımaldau procesine qatısuşılardıñ algoritmdi saqtauın qamtamasız etu boyınşa qajetti şaralardı qabıldaydı.

"The Qazaq Times"