Foto: ratel.k

Qazaq, Qırğız, Armen, Orıs jäne Belarus' prezidentteri qwrılğalı bası daudan ajıramağan Euraziyalıq eknomikalıq odaqtıñ kelesi bes jıldıq damu stoategiyasın qabılday almadı. Bwl turalı Ortalıq Aziya jañalıqtar qızmeti jariyaladı.

19 mamırdağı videokonferenciya formatında (koronavirus pandemiyasına baylanıstı) ötken odaq işindegi Joğarğı Euraziyalıq ekonomikalıq keñestiñ otırısında Qazaqstan prezidenti Qasım-Jomart Toqaev jobanıñ işinde "Euraziyalıq ekonomikalıq integraciyanıñ 2025 jılğa deyingi damu strategiyası turalı jobanı" "tolıqtıru qajet" dep sanaydı.

Toqaevtıñ payımdauınşa, strategiyada äkimşilik jäne qılmıstıq jauapkerşilikti anıqtau, keden isi, tehnikalıq retteu, twtınuşılar qwqığın qorğau sındı salalar talapqa say kelmeydi. Sözinşe, bwl strategiya ükimet pen parlamenttiñ derbestigin şekteydi.

"Aldağı birneşe jılğa arnalğan integraciyanıñ negizin qalaytın atalğan qwjattıñ erekşe mañızdı ekenin eskere otırıp, onı äli de talqılap, betpe-bet kezdesu barısında qabıldağan jön. Erte me, keş pe, biz bir-birimizben kezdesemiz" dedi Toqaev.

Kreml'diñ habarlauınşa, Resey prezidenti Vladimir Putin odaqtıñ retteu organı sanalatın Euraziyalıq ekonomikalıq komissiyasınıñ (EEK) wyımdastıru rölin arttırudı wsındı.

Al Aqorda saytınıñ jazuınşa, Toqaev "Euraziyalıq ekonomikalıq komissiyanıñ ökiletin keñeytu mäselesin mwqiyat qarauğa şaqırğan". Onıñ sözinşe, EEK ökiletine densaulıq saqtau men bilim berudi engizu Euraziyalıq ekonomikalıq odaqtı qwru turalı 2015 jılğı kelisimge qarama-qayşı keledi.

Belarus' prezidenti Aleksandr Lukaşenkonıñ saytınıñ habarlauınşa, Toqaev "asığıs şeşim qabıldamay", strategiyalıq qwjattı "äbden pısıqtap qabıldaudı" wsınğan.

Taraptar strategiyanı "jalpı" qoldağan, biraq qabıldamadı.

Euraziyalıq ekonomikalıq odaqtı 2015 jılı Resey, Qazaqstan jäne Belarus' üştigi qwrğan. Resey üstemdigi bayqalatın odaqqa keyin Armeniya men Qırğızstan müşe boldı. Tağı bir postsovettik el – Moldova baqılauşı. Qazir Özbekstannıñ baqılauşı röli talqılanıp jatır.

"The Qazaq Times"