Özbekstanda Sardoba su bögeti bwzılıp, birneşe auıldı su aldı. Foto: aşıq derekköz

Türkistan oblısınıñ Maqtaaral audanında su tasqını sebepti TJ jariyalandı. 

Türkistan oblısına qarastı Maqtaaral audanınıñ äkimi Baqıt Asanov tüngi sağat 00:00-de tötenşe jağday jariyalauğa tapsırma berdi.

Bügin, 2 mamır tañğı sağat 04:30-da Maqtaaral audanınıñ şekarasındağı Ortalıq dalalıq kollektorınan (ötkizu quatı - sekundına 120 tekşe metr) su tögilip, Jeñis jäne Jaña twrmıs auıldarın su aldı. «Sonday-aq oblıstıq mändegi «Mırzakent - Jeñis - Jaña twrmıs» tasjolın su basqan. Kölik jürui mümkin emes» delingen äkimdik habarlamasında. Sonday-aq bügin sağat 11:30 şamasında atalğan audanğa qaraytın Ferdausi auılı da su astında qalğanı habarlandı.

Azamattardı apattı aymaqtan köşirip jatır. Foto: aşıq derekköz

Qazirgi tañda apattıq-qwtqaru jwmıstarı jürip jatır. Äzirge 5400 adam ärtürli jolmen evakuciyalanğan. Jaña twrmıs, Jeñis, Nwrlı jol eldi mekenderiniñ twrğındarı audan ortalığı Mırzakentte ornalasqan Mırzakent mektep-gimnaziyasına (600 orın), S.Rahımov atındağı jalpı orta mektebine (700 orın), Puşkin (400 orın), Abılayhan orta mektepterine (500 orın) evakuaciyalanıp, oğan 6 avtobus jwmıldırılğan. Maqtaaral audanınıñ äkimi, audandıq tötenşe jağday ştabınıñ törağası Baqıt Asanovtıñ törağalığımen 2 mamır tüngi 00:00-de arnayı jiın ötip, tötenşe jağday jariyalau jöninde tapsırma berildi.

Türkistan oblısındağı su alğan eldi mekendegi körinis. Foto: aşıq derekköz

Qazirgi tañda joğarıda atalğan auıldardan basqa  Mırzakent, Jantaqsay eldi mekeniniñ twrğındarın evakuaciyalau mäselesi qarastırılıp jatır.

;feature=emb_title

Türkistan oblısınıñ äkimi Ömirzaq Şökeev şwğıl ştabtıñ jwmısı boyınşa arnayı mälimdeme jasadı. Aymaq basşısı eşbir azamattıñ zardap şekpegenin, mal basınıñ aman ekenin aytıp sendiruge tırıstı.

Qızıl sudıñ tasqının toqtatuda arnayı tehnika qoldanılıp jatır. Foto: Türkistan oblısı äkimdigi

Özbekstannıñ Sırdariya oblısında ornalasqan "Sardoba" su qoyması tolassız jauğan jauın men qattı dauıldan soñ böget bwzılğan. Kommunikaciya jelileri men egistik alqabın, birneşe auıldı su alıp, saldarınan 11,5 mıñ özbekstandıq evakuaciyalanğan.  Osığan baylanıstı keşe tüsqayta, sağat 16:00 şamasında Türkistan oblısınıñ Maqtaaral audanınıñ birneşe eldi mekeninde ornalasqan kollektorlarğa su tolğan.

Özbekstandağı su apatı bolğan aumaq. Foto: aşıq derekköz

2010-2017 j.j. aralığında jeti jıl boyı salınğan Sardoba su qoymasınıñ sıyımdılığı 922 mln tekşe metrge şığadı.  Juırda ğana mwnda 2022 jılı qoldanılısqa beru josparlanğan quattılığı 10,7 MVt GES qwrılısı bastalğan.

"The Qazaq Times"