Teñiz kenişindegi jwmısşılar korpustarı. Foto: kapital.kz

Atırau oblısınıñ tötenşe jağday rejimin jüzege asıruğa jauaptı şwğıl ştabtıñ mälimetinşe, Teñiz kenişinde indet jwqtırğan nauqastarmen baylanısta bolğan jalpı 1,5 mıñnan astam jwmısşı anıqtalğan.

16 säuirden beri iri keniştegi 17 mıñday adamdı öz üyine jetkizu operaciyası bastalğan. Qazirgi tañdar 10 ıñnan astam jwmısşı indet oşağınan, kenişten şığarılğan. Onıñ işinde 4 mıñğa juıq jwmısşı äue jolımen, 3 mıñğa juıq jwmısşı temir jol qatınasımen, 3 mıñnan astam jwmısşı avtobus köligimen tasımaldandı. Qalğan jwmısşılardı şığaru procesi 5 mamırda ayaqtalmaq.

«Olardıñ arasında 6 mıñnan astam jwmısşı Atırau oblısınıñ, 2 mıñnan astamı Aqtöbe jäne Batıs Qazaqstan oblıstarınıñ, 600-den astamı Mañğıstau oblısınıñ twrğındarı. Qalğan qızmetkerler Qazaqstannıñ özge de öñirlerinen kelgen mamandar» delingen şwğıl ştab habarlamasında.

Sonday-aq 1,5 mıñ adamnıñ 847-si jaqın qarım-qatınasta, 718-i baylanısta bolğan.

"The Qazaq Times"