Bügin 30 kün oraza wstağan barşa mwsılmannıñ Oraza Ayt merekesi. Islam küntizbesi boyınşa Şäuuäl ayınıñ alğaşqı künine tura keletin bwl mereke 30 kün boyı oraza wstağan mwsılmannıñ igilik pen baqıt, rahımğa jetkeniniñ beynesi ispetti atalıp ötiledi. Sonday-aq, bwl mwsılmandar üşin oraza wstauğa tıyım salınğan kün.  

Oraza – mwsılmanğa berilgen bes parızdıñ üşinşisi. Oraza twtu Qasietti Qwran Kärimniñ ayattarında jazılğan. Sonday-aq, bwl ayda pitir men zeket beru mwsılmanğa parız bolmaq. Oraza uaqıtında mwsılmandar sadaqa berip, auızaşar wyımdastıradı.

Osı orayda, Qazaqtimes.kz aqparattıq saytı da, barlıq qazaqstandıqtardı on eki aydıñ swltanı Ramazan ayınıñ bastaluımen qwttıqtaydı. Qasietti ayda wstağan orazalarıñız qabıl bolsın ayta otırıp, merekege oray elimizdegi jäne älemdegi barşa mwsılman jwrtşılığın oraza ayt künimen qwttıqtaymız! Wstağan orazalarıñızben tilegen dwğa-tilekteriñiz qabıl bolsın!

Eskerte ketsek elimizdegi tötenşe jağdayğa baylanıstı Ramazan ayında beriletin pitir sadaqası men zeketti kaspi.kz mobil'di qosımşası arqılı audaruğa boladı.

QMDB Töralqa mäjilisiniñ şeşimimen biıl bir adam atınan beriletin pitir sadaqa mölşeri 370 teñge dep bekitildi. Pitir sadaqanıñ qwnı eki keli wnnıñ respublika boyınşa eseptegende narıqtıq ortaşa bağasımen şığarıldı.

"The Qazaq Times"