Düniejüzilik densaulıq saqtau assambleyası 2020 jıldı Meyirbikelik jäne akuşerlik qızmet salasındağı qızmetkerlerdiñ halıqaralıq jılı dep jariyaladı.

DDSW 2030 jılğa deyin meyirbikelik jäne akuşerlik salada 9 mln qosımşa jwmıs ornın qwru qajet deydi.

Wyımnıñ resmi saytındağı habarlamada: «Medbikeler men akuşerler densaulıq saqtau salasında qızmet körsetude mañızdı röl atqaradı. Olar öz ömirin analar men balalardıñ qamqorlığına arnaydı, ömirlik mañızdı ekpeler salıp, medicinalıq wsınıs-keñesterin beredi, qart adamdarğa kütim jasaydı. Jalpı alğanda halıqtıñ densaulıq saqtau salasındağı negizgi kündelikti qajettilikterin qanağattandıradı. Olar köbine jergilikti twrğındar üşin medicinalıq kömek körsetetin alğaşqı jäne jalğız adam bolıp otır», — delingen.

Ayta keteyik, Covidvisualizer.com saytınıñ mälimetinşe, älem boyınşa koronavirus dertine şaldıqqandar sanı 2 millionğa jetken. 126 800 adam qaytıs bolğan. Virus deregi eñ köp tirkelgen elder ondığında AQŞ, Ispaniya, Italiya, Franciya, Germaniya, Wlıbritaniya, Qıtay, Iran, Türkiya jäne Bel'giya twr.

"The Qazaq Times"