Ukraina «Normand törttigi» müşelerine (Germaniya, Franciya, Resey) kezekti sammitti ötkizu turalı wsınıs bildirdi. Sebebi Kiev üşin Mäskeudiñ agressiyalıq sayasatına tötep beru mañızdı. Bwl turalı Ukrainanıñ sırtqı ister ministri Dmitriy Kuleba habarladı.

«Sammitti onlayn rejimde ötkizu mümkindigi äli aytarlıqtay talqılanğan joq. Biraq biz sammitti ötkizu üşin üş eldiñ, eñ aldımen Franciya, Germaniya jäne Reseydiñ kelisimin kütemiz», — dedi ol.

Bwğan deyin Resey sırtqı ister ministriniñ orınbasarı Andrey Rudenko «Normand sammiti» 2019 jıldıñ jeltoqsanında Parijdegi kezdesude qabıldanğan şeşimder orındalğannan keyin ğana ötkiziletinin aytqan. Batıs tarapı sammitte kelisilgendey «Donbastağı atıstı toqtatu, äskerlerdi şığaru, jañadan ötkizu punktterin aşu, Ştaynmayer formulasın jüzege asıru» tolıqqandı orındalğan joq dep sanaydı.

Aldıñğı «Normand formatı» sammiti 9 jeltoqsanda Parijde ötti. Jiında taraptar Reseyge engizilgen sankciyalar öz küşin joymaydı degen şeşimge kelgen. Törttiktiñ kezekti sammiti ötetin kün aldağı uaqıtta belgili boladı.

Ayta keteyik, «Normand törttigi» nemese «Normand sammiti» — Ukrainanıñ şığısındağı janjaldı retteu maqsatında 2014 jıldan beri jwmıs istep keledi. Jıl sayın Germaniya, Franciya, Resey jäne Ukraina basşıları men sırtqı ister ministrleri kezdesedi. Franciya men Germaniyanıñ wstanımdarı teñ — olar üşin Donbastağı qaqtığıstıñ şeşilui mañızdı.

"The Qazaq Times"