Garfield parkindegi qarulı şabuldan 6 adam qaza taptı Foto: chicago.suntimes.com

Senbi jäne jeksenbi künderi Çikago qalasınıñ türli aymaqtarında bolğan qarulı qaqtığıstardan 6 adam qaza bolıp, kem degende 17 kisi jaralandı. Bwl turalı «Fox News» arnasınıñ derek közine süyenip "Fars" baspasözi habarladı. policiyanıñ derekközderi jeksenbi küni Çikagonıñ batıs aymağında ornalasqan Garfield parkinde kölikte otırğan beytanıs adamdar köşeden 6 adamdı oqqa wşırıp, qaşıp ketkenin habarladı.

Policiyanıñ mälimeti boyınşa, osı oqiğa barısında eki adam qaza bolıp, tört kisi jaralandı.

Sonday-aq jwma küni keşke jäne senbi küni atıs oqiğaları orın aldı. Qwrban bolğandar men jaralanğandardıñ barlığı 19- 34 jas aralığındağı jastar. "ABC" telearnasınıñ mälimdeui boyınşa, jaña jıl bastalğannan beri Çikagoda 700- den astam adam oqqa wşqan.

Qarulı qaqtığıstar Çikago qalasındağı ülken äleumettik tüytkil sanaladı. Qalanıñ kedeyler twratın keybir aymaqtarında qılmısker toptardıñ boluı saldarınan qarulı qaqtığıstardıñ sanı Amerikanıñ özge qalalarınan äldeqayda köp orın aladı.

“The Qazaq Times”