UN News resmi saytı BWW qızmetkerleriniñ COVID-19 saldarınan qaşıqtıqtan jwmıs isteuge köşkenin habarladı.

Habarlamada: «BWW Bas hatşısı Antoniu Guterriş 16 naurız – 12 säuir aralığında barlıq qızmetkerler üyden jwmıs isteytini turalı şeşim qabıldadı. Qajettilik tuındağan jağdayda, merim wzartıladı. Düniejüzilik densaulıq saqtau wyımınıñ nwsqaulıqtarın barınşa saqtap, virustıñ taraluın bäseñdetu mañızdı», — delingen. Sonımen qatar aqparatta naqtı nwsqaulıqtarğa jüginu kerektigi aytılğan.

DDSW älemdik pandemiya dep jariyalağan koronavirus derti 133 elge tarap ülgergen. 175 mıñnan astam adam virus jwqtırıp, 6717 adam qaytıs bolğan. Qazaqstanda virus deregi anıqtalğan 13 adam em qabıldap jatır.

"The Qazaq Times"