UN News رەسمي سايتى بۇۇ قىزمەتكەرلەرىنىڭ COVID-19 سالدارىنان قاشىقتىقتان جۇمىس ىستەۋگە كوشكەنىن حابارلادى.

حابارلامادا: «بۇۇ باس حاتشىسى انتونيۋ گۋتەرريش 16 ناۋرىز – 12 ءساۋىر ارالىعىندا بارلىق قىزمەتكەرلەر ۇيدەن جۇمىس ىستەيتىنى تۋرالى شەشىم قابىلدادى. قاجەتتىلىك تۋىنداعان جاعدايدا، مەرىم ۇزارتىلادى. دۇنيەجۇزىلىك دەنساۋلىق ساقتاۋ ۇيىمىنىڭ نۇسقاۋلىقتارىن بارىنشا ساقتاپ، ۆيرۋستىڭ تارالۋىن باسەڭدەتۋ ماڭىزدى»، — دەلىنگەن. سونىمەن قاتار اقپاراتتا ناقتى نۇسقاۋلىقتارعا جۇگىنۋ كەرەكتىگى ايتىلعان.

ددسۇ الەمدىك پاندەميا دەپ جاريالاعان كوروناۆيرۋس دەرتى 133 ەلگە تاراپ ۇلگەرگەن. 175 مىڭنان استام ادام ۆيرۋس جۇقتىرىپ، 6717 ادام قايتىس بولعان. قازاقستاندا ۆيرۋس دەرەگى انىقتالعان 13 ادام ەم قابىلداپ جاتىر.

"The Qazaq Times"