Foto: Google

Jahandıq dağdarıstıñ beleñ aluı sebepti Amerikanıñ federaldıq kor jüyesi bazalıq mölşerlemeni 0-0,25%-ğa deyin tömendetti. Bwl turalı USA today basılımı ortalıq bankke silteme jasap habarladı.

Ortalıq bank habarlamasında narıqtağı tepe-teñdikti wstau üşin qosımşa 700 milliard dollar bölinetini jazılğan. Tömendetilgen mölşerdegi däliz älem ekonomikası qayta küşeygenşe saqtaladı. Sonday-aq federaldı qor jüyesi obligaciyalardı satıp aludı bastadı. Olar barlıq bankterdi biznes pen üy şaruaşılığın nesieleu üşin ötimdi aktivterin qoldanuğa şaqırdı.

Bwğan deyin yağni 3 naurızda AQŞ biligi bazalıq mölşerlemeni azaytu turalı şeşim qabıldağan bolatın. Bügin ekinşi märte jüzege asırıp otır. Mälimetter boyınşa, federaldıq qordıñ mwnday qadamğa baruına älemdik ekonomikalıq dağdarıspen qatar, koronavirus pandmiyasınıñ beleñ aluı sebep.

Jahandıq ekonomikağa qoldau körsetuge Europa, Kanada Şveycariya men Japoniya elderiniñ bankteri de atsalısıp jatır. Olar dollardıñ älemdik qarjı instituttarına qoljetimdi boluı üşin ayırbas qwnın azayttı.

"The Qazaq Times"