Foto: https://myseldon.com

Türkiyada koronavirustıñ jaña türin (COVID-19) jwqtırğan alğaşqı jağday tirkeldi, – dep habarlaydı «Anadolı» agenttigi.

Eldiñ densaulıq saqtau ministri Fahrettin Kodja: «Bügin keşke koronavirus jwqtırdı degen küdik boyınşa elimizdiñ azamatına test jasaldı. Test boyınşa onıñ koronavirus jwqtırğandığı anıqtaldı», – dedi.

Virus jwqtırğan er adam jaqında ğana Europadan sayahattan oralğan. Onıñ densaulıq jağdayı qanağattanarlıq deñgeyde dep bağalanğan. Qazirgi uaqıtta pacient karantinde. Sonımen qatar, nauqastıñ otbası müşeleri, sonday-aq onımen baylanısta bolğan adamdar baqılauğa alındı.

Ayta keteyik, Qıtaydıñ Hubey provinciyasınan şıqqan virustı jwqtırğandar sanı älem boyınşa 100 mıñnan astı. Qauiptiñ joğarı deñgeyine engizilgen elder qatarında Qıtay, Oñtüstik Koreya, Iran jäne Italiya bar.

"The Qazaq Times"