Фото: https://myseldon.com

Түркияда коронавирустың жаңа түрін (COVID-19) жұқтырған алғашқы жағдай тіркелді, – деп хабарлайды «Анадолы» агенттігі.

Елдің денсаулық сақтау министрі Фахреттин Коджа: «Бүгін кешке коронавирус жұқтырды деген күдік бойынша еліміздің азаматына тест жасалды. Тест бойынша оның коронавирус жұқтырғандығы анықталды», – деді.

Вирус жұқтырған ер адам жақында ғана Еуропадан саяхаттан оралған. Оның денсаулық жағдайы қанағаттанарлық деңгейде деп бағаланған. Қазіргі уақытта пациент карантинде. Сонымен қатар, науқастың отбасы мүшелері, сондай-ақ онымен байланыста болған адамдар бақылауға алынды.

Айта кетейік, Қытайдың Хубэй провинциясынан шыққан вирусты жұқтырғандар саны әлем бойынша 100 мыңнан асты. Қауіптің жоғары деңгейіне енгізілген елдер қатарында Қытай, Оңтүстік Корея, Иран және Италия бар.

"The Qazaq Times"