Densaulıq saqtau ministri Eljan Birtanov. Foto: aşıq derekköz

Densaulıq saqtau ministri Eljan Birtanov 5 naurız küngi brifingte «elde koronavirus küdigimen mıñğa tarta adam karantinge jatqızılğanın», onıñ 601-i üyde, qalğanı stacionarda ekenin habarladı.

«Bärin qosqanda 992 adam karantinde jatır, oñaşa emdelip jatqandar da bar, üyde karantinde otırğandar da bar. Bizde karantinge jiberetin orındar jetkilikti» dedi ministr.

Onıñ aytuınşa, bwğan qosa 7 515 adam twrğılıqtı jeri boyınşa därigerler baqılauında.

«Densaulıq saqtau ministrligi koronavirus tabılğan elderden kelgen şamamen 8 mıñ adamdı baqılap otır. Bwl Qazaqstan jäne şetel azamattarı. Auru belgileri anıqtalğan jağdayda auruhanağa jatqızıladı. Qazir 60 adam auruhanağa tüsken, 18-i auruhanadan şığarıldı. Olar tekseru, diagnostikadan ötip jatır» dedi Birtanov.

Birtanovtıñ aytuınşa, Qazaqstanda virustı anıqtaytın qajetti jabdıqtar bar. Resmi derek boyınşa, Qazaqstan aumağında koronavirus tabılmağan.

Beysenbi küni 8 naurızdan bastap virus jıldam tarap jatqan Qıtay, Iran, Oñtüstik Koreya azamattarınıñ Qazaqstanğa kiruine tıyım salınatını belgili boldı. Industriya jäne infraqwrılımdıq damu vice-ministri Berik Kamalievtiñ sözinşe, üşinşi el arqılı keletin A sanatındağı elderden, yağni Qıtay, Oñtüstik Koreya, Iran azamattarına da elge kiruine tıyım salınbaq.

"The Qazaq Times"