«Jastar jılın» sayasi özgeristermen ötkizgen Qazaqstan biligi 92 720 studentin jataqhanamen qamti almay otır.

Belsendi jastar wyımınıñ jetekşisi Elnwr Beysenbaevtıñ aytuınşa, JOO men kolledjderde oqitın ärbir törtinşi student jataqhanağa mwqtaj äri olardıñ 33%-ına orın berilmegen.

Arnayı top el köleminde 270 jataqhanağa tekseru jürgizipti. Wyımdastıruşılar tekseru nätijeleriniñ köñil könşitpeytinin aytadı.

«Monitoring barısında Qazaqstandağı 66 jataqhanada qarapayım sanitarlıq talaptar saqtalmaytınına köz jetkizdik. Mäselen, keybir jataqhanalarda as dayındaytın jäne kir-qoñ juatın bölmesi bir jerde ornalasqan. Demek, studentter as äzirleytin jerde kirdi de juadı. Tağı bir asa mañızdı mäsele – ört qauipsizdik şaralarınıñ saqtalmauına qatıstı. Qosalqı şığu esikteri aşılmaydı, tipti, terezelerdiñ twtqası bolmağandıqtan, bölmeni jeldetudiñ özi mümkin emes», – dedi Elnwr Beysenbaev.

Qazaqstandağı eñ naşar studentter üyiniñ tizimi jasadı. Olardıñ qatarına tömendegi oqu orındarınıñ jataqhanaları kirgen:

  1. «Qaynar» universiteti;
  2. «Almatı» universiteti;
  3. Satbayev university;
  4. Şımkent qalasındağı № 4 kolledj;
  5. Jol-kölik kolledji, Şımkent qalası;
  6. Astanadağı Joğarı politehnikalıq kolledji;
  7. Şığıs Qazaqstan oblısındağıAuılşaruaşılıq kolledji;
  8. Qostanayqalasındağı Injenerlik-ekonomikalıq universiteti;
  9. Taraz politehnikalıq kolledji;
  10. Qaratau qalasındağı №2 kolledj;
  11. Petropavlqalasındağı Gumanitarlıq-tehnikalıq kolledji;
  12. Petropavl qwrılıs-ekonomikalıq kolledji;
  13. Jalpaqtal agrarlıq jäne salalıq tehnologiyalar kolledji;
  14. Jäñgir han atındağı Batıs Qazaqstan Agrarlıq-tehnikalıquniversiteti;
  15. Qızılorda oblısındağı«Aqmeşit» gumanitarlıq-tehnikalıq institutı.

Infografika. Foto: BjĞM

Bwğan deyin ükimet 2022 jıldıñ soñına deyin Qazaqstan boyınşa 75 mıñ orınğa layıqtalğan jataqhana salu josparın jariyalağan bolatın. Biraq ärtürli vedomstvo basşılarınıñ sözine qarağanda, atalğan jataqhanalardıñ keybiriniñ äli künge deyin irgesi qalanbaq tügili smetalıq qwjatı dayındalmağan körinedi.

2019 jılı 5 mıñ orın; 2020 jılı 15 mıñ orın; 2021 jılı 25 mıñ orın; 2022 jılı 30 mıñ orın dayındaluı tiis. Ayta keterlik bir jayt, qazirgi kezde student eşbir oqu ornınıñ jataqhanasında tegin twrmaydı, oğan ay sayınğı alım töleydi. Mäselen, äl-Farabi atındağı Qazaq Wlttıq universitetinde jastar oqu jılına şamamen 90-110 mıñ teñge arasında qarajat tölep twradı.

"The Qazaq Times"