جاعدايى سىن كوتەرمەيتىن جاتاقحانالار ءتىزىمى جاريالاندى

«جاستار جىلىن» ساياسي وزگەرىستەرمەن وتكىزگەن قازاقستان بيلىگى 92 720 ستۋدەنتىن جاتاقحانامەن قامتي الماي وتىر.

بەلسەندى جاستار ۇيىمىنىڭ جەتەكشىسى ەلنۇر بەيسەنباەۆتىڭ ايتۋىنشا، جوو مەن كوللەدجدەردە وقيتىن ءاربىر ءتورتىنشى ستۋدەنت جاتاقحاناعا مۇقتاج ءارى ولاردىڭ 33%-ىنا ورىن بەرىلمەگەن.

ارنايى توپ ەل كولەمىندە 270 جاتاقحاناعا تەكسەرۋ جۇرگىزىپتى. ۇيىمداستىرۋشىلار تەكسەرۋ ناتيجەلەرىنىڭ كوڭىل كونشىتپەيتىنىن ايتادى.

«مونيتورينگ بارىسىندا قازاقستانداعى 66 جاتاقحانادا قاراپايىم سانيتارلىق تالاپتار ساقتالمايتىنىنا كوز جەتكىزدىك. ماسەلەن، كەيبىر جاتاقحانالاردا اس دايىندايتىن جانە كىر-قوڭ جۋاتىن بولمەسى ءبىر جەردە ورنالاسقان. دەمەك، ستۋدەنتتەر اس ازىرلەيتىن جەردە كىردى دە جۋادى. تاعى ءبىر اسا ماڭىزدى ماسەلە – ءورت قاۋىپسىزدىك شارالارىنىڭ ساقتالماۋىنا قاتىستى. قوسالقى شىعۋ ەسىكتەرى اشىلمايدى، ءتىپتى، تەرەزەلەردىڭ تۇتقاسى بولماعاندىقتان، بولمەنى جەلدەتۋدىڭ ءوزى مۇمكىن ەمەس»، – دەدى ەلنۇر بەيسەنباەۆ.

قازاقستانداعى ەڭ ناشار ستۋدەنتتەر ءۇيىنىڭ ءتىزىمى جاسادى. ولاردىڭ قاتارىنا تومەندەگى وقۋ ورىندارىنىڭ جاتاقحانالارى كىرگەن:

1. «قاينار» ۋنيۆەرسيتەتى;
2. «الماتى» ۋنيۆەرسيتەتى;
3. Satbayev university;
4. شىمكەنت قالاسىنداعى № 4 كوللەدج;
5. جول-كولىك كوللەدجى، شىمكەنت قالاسى;
6. استاناداعى جوعارى پوليتەحنيكالىق كوللەدجى;
7. شىعىس قازاقستان وبلىسىنداعىاۋىلشارۋاشىلىق كوللەدجى;
8. قوستانايقالاسىنداعى ينجەنەرلىك-ەكونوميكالىق ۋنيۆەرسيتەتى;
9. تاراز پوليتەحنيكالىق كوللەدجى;
10. قاراتاۋ قالاسىنداعى №2 كوللەدج;
11. پەتروپاۆلقالاسىنداعى گۋمانيتارلىق-تەحنيكالىق كوللەدجى;
12. پەتروپاۆل قۇرىلىس-ەكونوميكالىق كوللەدجى;
13. جالپاقتال اگرارلىق جانە سالالىق تەحنولوگيالار كوللەدجى;
14. جاڭگىر حان اتىنداعى باتىس قازاقستان اگرارلىق-تەحنيكالىقۋنيۆەرسيتەتى;
15. قىزىلوردا وبلىسىنداعى«اقمەشىت» گۋمانيتارلىق-تەحنيكالىق ينستيتۋتى.

ينفوگرافيكا. فوتو: بجعم

بۇعان دەيىن ۇكىمەت 2022 جىلدىڭ سوڭىنا دەيىن قازاقستان بويىنشا 75 مىڭ ورىنعا لايىقتالعان جاتاقحانا سالۋ جوسپارىن جاريالاعان بولاتىن. بىراق ءارتۇرلى ۆەدومستۆو باسشىلارىنىڭ سوزىنە قاراعاندا، اتالعان جاتاقحانالاردىڭ كەيبىرىنىڭ ءالى كۇنگە دەيىن ىرگەسى قالانباق تۇگىلى سمەتالىق قۇجاتى دايىندالماعان كورىنەدى.

2019 جىلى 5 مىڭ ورىن; 2020 جىلى 15 مىڭ ورىن; 2021 جىلى 25 مىڭ ورىن; 2022 جىلى 30 مىڭ ورىن دايىندالۋى ءتيىس. ايتا كەتەرلىك ءبىر جايت، قازىرگى كەزدە ستۋدەنت ەشبىر وقۋ ورنىنىڭ جاتاقحاناسىندا تەگىن تۇرمايدى، وعان اي سايىنعى الىم تولەيدى. ماسەلەن، ءال-فارابي اتىنداعى قازاق ۇلتتىق ۋنيۆەرسيتەتىندە جاستار وقۋ جىلىنا شامامەن 90-110 مىڭ تەڭگە اراسىندا قاراجات تولەپ تۇرادى.

"The Qazaq Times"