Bişkektiñ Alatau alañında ötip jatqan auqımdı mitingte narazılar qamaudağı sayasatker Sadır Japparovtı bostaumen qatar ükimetti otvstavkağa jiberu, konstituciyalıq reforma jürgizu talabın qoyıp jatır.

Bwl jöninde Jogorku Keñeştiñ bwrınğı spikeri Mukar Çolponbaev şerude arnayılap söz söyledi. Ol «eldegi birqatar kemşilikterdi joyu üşin atazañdı özgertip, ükimet otstavkağa ketui kerek» dedi.

«Konstituciyalıq reformanı bügin jasamasa, erteñ keş boladı», - deydi eks-sayasatker.

Bwrınğı deputattar özderiniñ äriptesin abaqtıdan şığaruın talap etip jwrttı alañğa bastap bardı. 2 naurız 2020 jıl. Foto: Azattık radiosı (qırğız qızmeti) / Toktosun Şambetov

Jinalğandardıñ bastı talabı Sadır Japparovtı dereu bosatuğa sayadı. Wyımdastıruşılar qarsılıq akciyasına 5 mıñğa tarta adam qatısıp jatqanın habarladı.

Japparovtı qoldau qozğalısınıñ müşesi Bakay Asqarbaevtıñ aytuınşa, abaqtıdağı sayasatkerdiñ 10 jaqtası prezident Sooronbay Jeenbekovke jolığuğa Aqüyge kirgen körinedi. Olar ortaq mämilege kelip şıqqanşa, şeru tarqamaytının wqsaydı.

Japparovtıñ qoldauşıları onı dereu bostuın talap etip jatır. 2 naurız 2020 jıl. Foto: Azattık radiosı (qırğız qızmeti) / Toktosun Şambetov

Akciyanı Japparovtı qoldau qozğalısınıñ törağası, Jogorku Keñeştiñ eks-deputatı Kanıbek Osmonaliev jürgizude.

Bişkek ortalığındağı jaña narazılıq. 2 naurız 2020 jıl. Foto: Azattık radiosı (qırğız qızmeti) / Toktosun Şambetov

Jogorku Keñeştiñ bwrınğı deputatı Sadır Japparov Qwmtör mäselesine baylanıstı bilikke qarsı belsendiligimen tanılğan. Ol «2013 jılı Qarakölde miting wyımdastırıp, Isıqköldiñ sol kezdegi äkimi Emilbek Kaptagaevtı kepildikke aldı» degen ayıp boyışa 2017 jılı tergeu izolyatorına qamaldı. 2019 jılı Joğarğı sot onı on jılğa bas bostandığınan ayırğan.

Abaqtıdağı sayasatker Sadır Japparov. Foto: Azattık radiosı (qırğız qızmeti) / Alişer Mutalipov

"The Qazaq Times"